Bügın - jazuşy, Qazaq küresı odaǧynyŋ tūŋǧyş jetekşısı Qaldarbek Naimanbaevtyŋ tuǧan künı, dep habarlaidy "Adyrna" tılşısı.
Jazuşy közı tırı bolǧanda bügın 85 jasqa tolar edı.
Qaldarbek Naimanbaev 1939 jyly 16 nauryzda Oŋtüstık Qazaqstan oblysy, Maqtaaral audany, Asyqata auylynda düniege kelgen. 1961 jyly Qazaq memlekettık universitetınıŋ jurnalistika bölımın bıtırgen jazuşy eŋbek jolyn studenttık şaǧynan bastaǧan.
Eŋbek jolyn universitette oqyp jürıp sol kezdegı "Leninşıl jas", qazırgı «Jas Alaş» gazetınıŋ redaksiiasynda qarapaiym ädebi qyzmetkerden bastap, bas redaktordyŋ orynbasaryna deiın köterılgen.
Bırneşe basylymdardyŋ bas redaktory bolyp qyzmet etıp, Respublikalyq avtorlar qūqyǧyn qorǧau agenttıgınıŋ direktory bolyp eŋbek ettı.
Al 1990–1993 jj. Qazaqstan Respublikasy Joǧary Keŋesınıŋ deputaty boldy.
Jazuşy 65 jyl ǧūmyrynda öşpes ız qaldyrǧan. Onyŋ qalamynan «Daŋq tūǧyrynda», «Qoştasqym kelmeidı, «Bastau», «Sol bır tün», «Ümıt ötkelı», «Beimaza qonaq», «Aptap», «Nochnaia doroga», «Şılde» povester men äŋgımeler jinaqtary, «Erlı-zaiypty ekeuı jäne basqalary», «Bız senı kütemız, Gülzat», «Domalaq aryz», «Köktöbe», «Ot pen oiyn» romandary tuǧan.
2004 jyldyŋ 22 qyrküiegınde jazuşy Almaty qalasynda ömırden öttı.
Ūqsas jaŋalyqtar
