بيىل ەلىمىزدە ۇلىستىڭ ۇلى كۇنى – ءاز ناۋرىزدىڭ رەسمي مەرەكە رەتىندە تويلانىپ باستاعانىنا 33 جىل تولدى، دەپ حابارلايدى «ادىرنا» ءتىلشىسى.
قازاق كسر پرەزيدەنتى نۇرسۇلتان نازارباەۆتىڭ 1991 جىلى 15 ناۋرىزداعى جارلىعىمەن كۇن مەن ءتۇننىڭ تەڭەلگەن مەزگىلىن «كوكتەمگى حالىقتىق مەرەكە – ناۋرىز مەيرامى» رەتىندە رەسمي تويلاۋ بەكىتىلگەن ەدى.
جارلىقتا: «حالىق دەپۋتاتتارىنىڭ جەرگىلىكتى سوۆەتتەرىنە كليماتتىق جاعدايلاردى ەسكەرە وتىرىپ، حالىقتىق مەرەكە – ناۋرىز مەيرامىن وتكىزۋ كۇنىن ءوز بەتىمەن بەلگىلەۋ ۇسىنىلسىن; رەسپۋبليكا جۇرتشىلىعىنىڭ 1991 جىلى ناۋرىزدىڭ 16-سى مەن ءساۋىردىڭ 16-سى ارالىعىندا «تابيعات جاراسىمى» ايلىعىن وتكىزۋ جونىندەگى ينيتسياتيۆاسى قولداۋ تاپسىن»،– دەلىنگەن.
ەسكە سالا كەتەيىك، ستالين بيلىگى 1926 جىلدان باستاپ ناۋرىز مەيرامىن رەسمي مەرەكەلەۋگە استىرتىن تىيىم سالعان بولاتىن. ۇلىستىڭ ۇلى كۇنى ەلىمىزدە 1990 جىلداردىڭ باسىندا قايتادان رەسمي تۇردە اتالا باستادى.
2009 جىلى 22 ساۋىردە «مەرەكەلەر تۋرالى» زاڭىنا وزگەرىستەر ەنگىزىلىپ، ناۋرىز 21-23 ناۋرىز ارالىعىندا اتاپ وتىلەتىن بولدى.
