Bıyl elimizde ulystyń uly kúni – áz Naýryzdyń resmı mereke retinde toılanyp bastaǵanyna 33 jyl toldy, dep habarlaıdy «Adyrna» tilshisi.
Qazaq KSR prezıdenti Nursultan Nazarbaevtyń 1991 jyly 15 naýryzdaǵy jarlyǵymen kún men túnniń teńelgen mezgilin «Kóktemgi halyqtyq mereke – Naýryz meıramy» retinde resmı toılaý bekitilgen edi.
Jarlyqta: «Halyq depýtattarynyń jergilikti sovetterine klımattyq jaǵdaılardy eskere otyryp, halyqtyq mereke – Naýryz meıramyn ótkizý kúnin óz betimen belgileý usynylsyn; respýblıka jurtshylyǵynyń 1991 jyly naýryzdyń 16-sy men sáýirdiń 16-sy aralyǵynda «Tabıǵat jarasymy» aılyǵyn ótkizý jónindegi ınııatıvasy qoldaý tapsyn»,– delingen.
Eske sala keteıik, Stalın bıligi 1926 jyldan bastap Naýryz meıramyn resmı merekeleýge astyrtyn tyıym salǵan bolatyn. Ulystyń uly kúni elimizde 1990 jyldardyń basynda qaıtadan resmı túrde atala bastady.
2009 jyly 22 sáýirde «Merekeler týraly» zańyna ózgerister engizilip, Naýryz 21-23 naýryz aralyǵynda atap ótiletin boldy.
