قازاقستان ءاز ناۋرىز مەرەكەسىن ۇكىمەت بەكىتكەن تۇجىرىمداماعا سايكەس، 10 كۇن تويلاۋعا نيەتتى، دەپ حابارلايدى «ادىرنا» ۇلتتىق پورتالى zakon.kz. سايتىنا سىلتەمە جاساپ.
مادەنيەت جانە سپورت مينيسترلىگى مەملەكەت باسشىسىنىڭ تاپسىرماسى بويىنشا، «ناۋرىز مەيرامىن تويلاۋ تۇجىرىمداماسىن بەكىتۋ تۋرالى» ۇكىمەت قاۋلىسىنىڭ جوباسىن ازىرلەپ، ونى «اشىق نقا» پورتالىنا جۇكتەدى.
جوبادا ناۋرىز مەيرامىن تويلاۋعا بايلانىستى ءىس-شارالاردى 10-24 ناۋرىز ارالىعىندا 10 كۇن بويىنا وتكىزۋ جوسپارلانعانى كورسەتىلگەن.
تۇجىرىمدامانى ىسكە اسىرۋدىڭ تەتىكتەرى كەلەسىدەي بولادى:
14 ناۋرىز – «كورىسۋ كۇنى»
15 ناۋرىز – «جايلاۋ كۇنى»
16 ناۋرىز – «شەجىرە كۇنى»
17 ناۋرىز – «تاريحقا تاعزىم كۇنى»
18 ناۋرىز – «يگى ىستەر كۇنى»
19 ناۋرىز – «شىمىرلىق پەن شەبەرلىك كۇنى»
20 ناۋرىز – «زياتكەرلىك كۇنى»
21 ناۋرىز – «ۇلتتىق تاعامدار كۇنى»
22 ناۋرىز – «ۇلىستىڭ ۇلى كۇنى»
23 ناۋرىز – «جورالعى كۇنى»
سونداي-اق تۇجىرىمدامادا ودان كۇتىلەتىن ناتيجەلەر دە باسا كورسەتىلگەن:
1) وتباسىنى جانە قوعامدى ۇيىستىراتىن قۇندىلىقتار نىعايادى;
2) ەكولوگيالىق مادەنيەتتى قالىپتاستىرۋ، اۋماقتى اباتتاندىرۋ بويىنشا جۇمىستاردى ۇيىمداستىرۋ دەڭگەيى ارتادى;
3) قايىرىمدىلىق پەن مەتسەناتتىقتىڭ مادەنيەتى قالىپتاسادى. جاپپاي سانادا ولاردى نىعايتۋعا باعىتتالعان ءىس-شارالار وتكىزىلەدى;
4) ۇلتتىق بىرەگەيلىكتى نىعايتۋ، قازاق حالقىنىڭ ۇلتتىق داستۇرلەرىن كورسەتۋ بويىنشا بۇقارالىق ءىس-شارالار وتكىزىلەدى;
5) قازاقستان حالقىنىڭ بىرلىگى مەن كەلىسىمى كۇشەيتىلەدى، جالپى قازاقستاندىق قۇندىلىقتار، ەۆوليۋتسيالىق دامۋ مادەنيەتى قالىپتاسادى جانە نىعايادى.
