نۇرسۇلتان نازارباەۆ كتك تەلەارناسىنىڭ اكتسيالارىن ساتىپ الدى. بۇل تۋرالى بەسسيمپتومنو Telegram-ارناسى جاريالادى، دەپ حابارلايدى “ادىرنا” ۇلتتىق پورتالى.
بەسسيمپتومنو ارناسىنىڭ ۇسىنعان مالىمەتى بويىنشا، «كوممەرتسيالىق تەلەارنا» اق-نىڭ 2 396 156 جاي اكتسياسىن ءبىر اكتسيا ءۇشىن 500 تەڭگەدەن «نۇرسۇلتان نازارباەۆ قورى» جەكە قورى ۇسىنعان نەگىزگى اكتسيونەر ساتىپ الدى. مامىلەنىڭ جالپى سوماسى 1 198 078 000 تەڭگەنى قۇرايدى. كوممەرتسيالىق ەمەس ۇيىم تولەم رەتىندە مەديا جابدىعىن بەرگەن.
28 اقپان كۇنى كتك تەلەارناسى اكتسيونەرلەر جينالىسىندا 2 622 850 جاي اكتسيا شىعارۋ ارقىلى اق جاريالانعان اكتسيالارىنىڭ سانىن 8 152 925-كە دەيىن ۇلعايتۋ تۋرالى شەشىم قابىلداعانىن حابارلادى.
14 ناۋرىزدا اكتسيونەرلەر جينالىسى وسى اكتسيا سانىن (2 622 850 جاي اكتسيا) ساتۋعا شىعارۋ تۋرالى شەشىم قابىلدادى.
«كوممەرتسيالىق تەلەارنا» اق مامىلە جاساسقانعا دەيىنگى اكتسيونەرلەر:
- «TV Media Advertising Agency» جشس (TV Media Advertising Agency) اق جالپى 321 470 داۋىس بەرەتىن اكتسيالارىنا (بارلىق داۋىس بەرەتىن اكتسيالاردىڭ 5,81%) يەلىك ەتەدى.
- «نۇرسۇلتان نازارباەۆ قورى» جەكە قورىنا اق-نىڭ جالپى سانى 5 051 653 داۋىس بەرەتىن اكتسيالارى (بارلىق داۋىس بەرەتىن اكتسيالاردىڭ 91,36%) تيەسىلى.
ايتا كەتەيىك، «نۇرسۇلتان نازارباەۆ قورى» جەكە قورىنىڭ نەگىزىن قالاۋشى – تۇڭعىش پرەزيدەنت – ەلباسى نۇرسۇلتان نازارباەۆ. ال ديرەكتورى – ونىڭ قىزى داريعا نازارباەۆا.
سونداي-اق، «TV Media Advertising Agency» جشس قازاقستانداعى ەڭ ءىرى جارناما اگەنتتىگى. ونى ۆالەري سافونوۆ باسقارادى. ودان بولەك بىرنەشە جىل بويى داريعا نازارباەۆامەن بايلانىستى جارناما بيزنەسىمەن اينالىسادى.وسى ارقىلى داريعا نازارباەۆا ەكى قۇرىلىم بويىنشا كتك تەلەارناسىن باقىلاۋدى جالعاستىرۋدا.
“ادىرنا” ۇلتتىق پورتالى
