TAV Airports كومپانياسىنىڭ HR ديرەكتورى حاكان وكەر ءال-فارابي اتىنداعى قازاق ۇلتتىق ۋنيۆەرسيتەتىنىڭ «قۇرمەتتى دوكتورى» اتاندى. ال TAV باقىلايتىن الماتى اۋەجايى توڭىرەگىندە دە، ۋنيۆەرسيتەت توڭىرەگىندە دە اتىشۋلى جانجالدار جەتەدى، دەپ حابارلايدى “ادىرنا” ۇلتتىق پورتالى.
«حاكان وكەر تەحنولوگيا سالاسىنىڭ دامۋىنا ەرەكشە ۇلەس قوسىپ، ۇلكەن جەتىستىككە جەتتى. وعان ءال-فارابي اتىنداعى قازاق ۇلتتىق ۋنيۆەرسيتەتىنىڭ «قۇرمەتتى دوكتورى» اتاعى بەرىلدى»، - دەلىنگەن ۋنيۆەرسيتەت حابارلاماسىندا.
وكەرگە اتاق بەرۋ ساراپشىلار قاۋىمداستىعى وكىلدەرىن تاڭعالدىردى.
«نەگە ولار ءۇشىن، مەن ۇيالىپ تۇرمىن؟ TAV-نىڭ كادر جونىندەگى ۆيتسە-پرەزيدەنتىنە قازۇۋ قۇرمەتتى پروفەسسورى اتاعى – قانداي ەڭبەگى ءۇشىن بەرىلىپ وتىر؟» – دەپ سۇرادى اۆياتسيا سالاسى ساراپشىلارىنىڭ ءبىرى.
ەسكە سالا كەتەيىك، بۇعان دەيىن قازۇۋ وقىتۋشىسى داستان قاستاي ۋنيۆەرسيتەت باسشىلىعىنىڭ ەشبىر سەبەپسىز جۇمىستان شىعارعانىنا نارازىلىعىن بىلدىرگەن بولاتىن. ونىڭ الەۋمەتتىك جەلىدەگى جازباسى رەزونانس تۋدىرعانننان كەيىن وقىتۋشى ءوز قىزمەتىندە قالعان. بۇدان بولەك جىل باسىندا قازۇۋ ستۋدەنتتەرىنىڭ مەديتسينالىق جانە وزگە جەكە دەرەكتەرى تاراپ كەتىپ ۋنيۆەرسيتەت توڭىرەگىندە تاعى شۋ شىققان ەدى.
