استراحان اۋدانىنا قاراستى ياگودنوە اۋىلىندا سۋ تاسقىنىنىڭ سالدارىنان ەكى ەلەكتر باعاناسى قۇلاپ، ەلدى مەكەن جارىقسىز قالدى، دەپ حابارلايدى “ادىرنا” ۇلتتىق پورتالى.
بۇل تۋرالى توتەنشە جاعدايلار مينيسترلىگى حابارلادى.
مالىمەتكە سايكەس، كولۋتون وزەنىنىڭ تاسۋى ناتيجەسىندە ەلەكتر جەلىلەرىن ۇستاپ تۇرعان تىرەكتەردى سۋ شايىپ كەتكەن. تجم وقيعا ورنىنان ۆيدەو دا جاريالادى. كادرلاردا قۇتقارۋشىلاردىڭ قۇتقارۋ كەۋدەشەلەرىن كيىپ، سۋ باسقان اۋماقپەن ءجۇزىپ جۇرگەنى كورىنەدى.
«تجم قىزمەتكەرلەرى ەلەكتر ماماندارىمەن بىرلەسىپ قالپىنا كەلتىرۋ جۇمىستارىن جۇرگىزدى. قازىرگى تاڭدا اۋىلعا جارىق بەرىلدى»، — دەلىنگەن رەسمي حابارلامادا.
ەسكە سالايىق، كوكتەمگى سۋ تاسقىنى اقمولا وبلىسىندا بىرقاتار ەلدى مەكەندەرگە قاۋىپ ءتوندىرىپ وتىر.
ۇقساس جاڭالىقتار
