«اتىراۋ وبلىسى سۋ ارناسىندا» رەيدتىك ءىس-شارالار جۇرگىزىپ جاتقانىن، ونىڭ ماقساتى سۋدى پايدالانۋ ەرەجەلەرىن بۇزۋ فاكتىلەرىن، ىرگەلەس جاتقان ۋچاسكەلەردى زاڭسىز سۋارۋ دەرەكتەرىن انىقتاۋ ەكەنىن ايتتى، دەپ حابارلايدى "ادىرنا". بۇل تۋرالى "موي گورود" سايتى جازدى.
كومپانيا كۇندىزگى ۋاقىتتا جاسىل جەلەكتەر مەن باقشالاردى اۋىز سۋمەن سۋارۋعا تىيىم سالىنعانىن تاعى دا ەسكە سالادى. «كۇندىزگى ۋاقىت» تەرمينى ساعات 8.00-دەن 22.00-گە دەيىنگى ۋاقىتتى بىلدىرەدى.
«سونىمەن قاتار سۋدىڭ قىسىمىن ارتتىرۋ ءۇشىن كەڭەيتۋ تسيستەرناسى بار سورعىنى ورناتۋعا بولاتىنىن ەسكە سالامىز، ياعني رەزەرۆۋاردان سۋدى تىكەلەي ەمەس، قاجەتتى سۋمەن قامتاماسىز ەتەتىن رەزەرۆۋاردان ايدايتىن سورعى. ورتالىق جەلىدەن سورعى ورناتۋ ءۇشىن «اتىراۋ وبلىسى سۋ ارناسىنا» مىندەتتى رۇقسات قاجەت. ول تەگىن بەرىلەدى»، - دەپ حابارلادى «اتىراۋ وبلىسى سۋ ارناسى».
جەكە سەكتورعا رەيدتەر جالعاسادى جانە بارلىق ءتارتىپ بۇزۋشىلارعا ءتيىستى جازا قولدانىلادى.
اۋىز سۋدى رەزەرۆۋارسىز، تىكەلەي ورتالىق سۋ قۇبىرىنان ايدايتىن سورعى پايدالانۋ سۋ جۇيەسىندەگى كەلەسى ۋچاسكەلەردىڭ سۋ قىسىمىنان ايىردى. سونىڭ سالدارىنان كورشىلەس اۋدانداردىڭ تۇرعىندارى سۋسىز قالدى.
"ادىرنا" ۇلتتىق پورتالى
