مەملەكەتتىك ءتىل ماسەلەسىن كوتەرىپ، شەشۋ جولدارىن ۇسىنعان ازاماتتار اراسىنداعى بىرەگەي بايقاۋعا ءوتىنىم قابىلداۋ باستالدى.
ءتىل ساياساتى كوميتەتىنىڭ تاپسىرىسىمەن جىل سايىن «ءتىل-قازىنا» ۇلتتىق عىلىمي-پراكتيكالىق ورتالىعى ۇيىمداستىراتىن «مەملەكەتتىك ءتىل جانە باق» بايقاۋىنا بيىل كاسىبي جۋرناليستەرمەن قاتار، اۋەسقوي قالامگەرلەر مەن شەتەل ازاماتتارى دا قاتىسا الدى. ءداستۇرلى بايقاۋعا 2024 جىلدىڭ 1 قاڭتارى مەن 24 مامىر ارالىعىندا وتاندىق جانە شەتەلدىك باق-تا جاريالانعان ماتەريالدار قابىلدانادى.
ون توعىزىنشى رەت ۇيىمداستىرىلىپ وتىرعان بايقاۋدىڭ باستى ماقساتى – مەملەكەتتىك ءتىلدىڭ دامۋىنا، قولدانىس اياسىنىڭ كەڭەيۋىنە جانە قازىرگى ماسەلەلەرىنىڭ شەشىلۋىنە جول اشاتىن، قالىڭ اۋديتورياعا وي سالاتىن اقپاراتتار لەگىن ارتتىرۋ جانە جۋرناليستەردى ىنتالاندىرۋ.
بايقاۋ ماتەريالدارى ەكى نوميناتسيا بويىنشا قابىلدانىپ، باعالانادى:
-
«ۇزدىك ماقالا» ء(تۇرلى جانردا ءماتىن فورماتىندا جاريالانعان ءباسپاسوز ماتەريالى. ماسەلەن، گازەت-جۋرنالدا نەمەسە سايتتاردا جاريالانعان ماقالا، سۇحبات، رەپورتاج).
-
«ۇزدىك تەلە جانە راديوباعدارلاما» (جۋرناليستيكا پرينتسيپىنە ساي ەلەكتروندىق جانە مۋلتيمەديالىق فورمات ءونىمى. ماسەلەن، تەلە-راديو باعدارلاما، تەلەسيۋجەت نەمەسە كەپشن-ۆيدەو).
ەرەجەگە سايكەس، ءبىر اۆتور ەكى ماتەريال جولداۋى شارت. تىركەلۋ فورماسى: https://docs.google.com/forms/d/1PUUerio7WqwJvzW4G_17cYZQA30H9z9HF5TvvlUUPn4/edit.
ۇسىنىلعان ماتەريالدارعا قويىلاتىن تالاپتار:
-
تاقىرىپقا سايكەستىك;
-
قامتىلعان اقپاراتتىڭ وزەكتىلىگى، ناقتىلىعى مەن شىنايىلىعى;
-
ماسەلەنى تالداۋ تەرەڭدىگى;
-
ماتەريالدى جەتكىزۋ شەبەرلىگى;
-
جۋرناليستيكا پرينتسيپتەرىنە ساي كەلۋى;
-
زاماناۋي شەشىم جولدارىن كورسەتۋى.
«مەملەكەتتىك ءتىل جانە باق» بايقاۋىنا ءوتىنىم 2024 جىلدىڭ 24 مامىرىنا دەيىن (قوسا العاندا) قابىلدانادى. ماراپاتتاۋ ءراسىمى ماۋسىم ايىندا استانا قالاسىندا وتەدى.
بايقاۋعا جولدانعان ماتەريالداردى كاسىبي بىلىكتى مامانداردان قۇرىلعان كوميسسيا باعالاپ، جەڭىمپاز بەن جۇلدەگەرلەردى انىقتايدى. بايقاۋدىڭ باس جۇلدە يەگەرىنە 1 ملن. تەڭگە قارجىلاي سىيلىق تابىستالادى. سونداي-اق ءى ورىنعا - 750 000 تەڭگە، ءىى ورىنعا – 500 000 تەڭگە، ءىىى ورىن جۇلدەگەرلەرىنە 300 000 تەڭگە بەرىلەدى. بايقاۋ ەرەجەسى مەن تولىق اقپاراتتى tilalemi.kz سايتىنان جانە @tilqazyna ينستاگرام پاراقشاسىنان بىلۋگە بولادى.
تولىق ەرەجەنى سىلتەمەدەن وقىڭىز.
