قازاقستاندا جۋرناليستەرگە ارنالعان بىرەگەي سوزدىك جارىق كوردى

2934
Adyrna.kz Telegram

قازاقستان رەسپۋبليكاسىنىڭ مەملەكەت قايراتكەرى، قازاق ديپلوماتى داۋرەن اباەۆ "سوزتۇزەر" اتتى قاتە قولدانىستاعى سوزدىكتىڭ تۇساۋكەسەرىن وتكىزدى، دەپ حابارلايدى "ادىرنا" ءتىلشىسى.

"سوزتۇزەر" - قاتە قولدانىستار سوزدىگى باق-تاعى مەملەكەتتىك ءتىلدىڭ قولدانىسىن رەتتەۋگە جانە انا ءتىلدىڭ تازالىعىن ساقتاۋعا ارنالعان جوبا.

"سوڭعى كەزدە قازاقشا ءباسپاسوز بەن تەلەارنالاردا ءارتۇرلى قاتەلەردىڭ بەلەڭ العانى ءجيى ايتىلىپ ءجۇر. ۋاقىت وتكەن سايىن ونداي قاتەلەر كۇندەلىكتى قولدانىسقا ەنىپ كەتۋى مۇمكىن. ودان انا ءتىلىمىزدىڭ تابيعاتى بۇزىلىپ، ساۋاتتىلىق دەڭگەيىنىڭ تومەندەۋى ىقتيمال. سوندىقتان ءبىز وسى ماسەلەنى شەشۋ ءۇشىن بەدەلدى عالىمدار مەن ءتىل ماماندارى بىرىگىپ وسى سوزدىكتى جارىققا شىعاردىق", دەيدى داۋلەت اباەۆ.

سوزدىكتى جاساۋ جۇمىسى بىلتىر مامىر ايىنان باستاپ قولعا الىنعان. سوزدىكتە ءجيى كەزدەسەتىن 2000-نان استام قاتە قولدانىستار جيناقتالعان. ولار جان-جاقتى ءتۇسىندىرىلىپ دۇرىس نۇسقاسى كورسەتىلگەن. كوبىنە جۇيەلى قاتەلەر ىرىكتەلگەن.

"ادىرنا" ۇلتتىق پورتالى

پىكىرلەر