Memlekettik til máselesin kóterip, sheshý joldaryn usynǵan azamattar arasyndaǵy biregeı baıqaýǵa ótinim qabyldaý bastaldy.
Til saıasaty komıtetiniń tapsyrysymen jyl saıyn «Til-Qazyna» ulttyq ǵylymı-praktıkalyq ortalyǵy uıymdastyratyn «Memlekettik til jáne BAQ» baıqaýyna bıyl kásibı jýrnalıstermen qatar, áýesqoı qalamgerler men shetel azamattary da qatysa aldy. Dástúrli baıqaýǵa 2024 jyldyń 1 qańtary men 24 mamyr aralyǵynda otandyq jáne sheteldik BAQ-ta jarııalanǵan materıaldar qabyldanady.
On toǵyzynshy ret uıymdastyrylyp otyrǵan baıqaýdyń basty maqsaty – memlekettik tildiń damýyna, qoldanys aıasynyń keńeıýine jáne qazirgi máseleleriniń sheshilýine jol ashatyn, qalyń aýdıtorııaǵa oı salatyn aqparattar legin arttyrý jáne jýrnalısterdi yntalandyrý.
Baıqaý materıaldary eki nomınaııa boıynsha qabyldanyp, baǵalanady:
-
«Úzdik maqala» (Túrli janrda mátin formatynda jarııalanǵan baspasóz materıaly. Máselen, gazet-jýrnalda nemese saıttarda jarııalanǵan maqala, suhbat, reportaj).
-
«Úzdik tele jáne radıobaǵdarlama» (Jýrnalıstıka prınıpine saı elektrondyq jáne mýltımedıalyq format ónimi. Máselen, tele-radıo baǵdarlama, telesıýjet nemese kepshn-vıdeo).
Erejege sáıkes, bir avtor eki materıal joldaýy shart. Tirkelý formasy: https://docs.google.com/forms/d/1PUUerio7WqwJvzW4G_17cYZQA30H9z9HF5TvvlUUPn4/edit.
Usynylǵan materıaldarǵa qoıylatyn talaptar:
-
taqyrypqa sáıkestik;
-
qamtylǵan aqparattyń ózektiligi, naqtylyǵy men shynaıylyǵy;
-
máseleni taldaý tereńdigi;
-
materıaldy jetkizý sheberligi;
-
jýrnalıstıka prınıpterine saı kelýi;
-
zamanaýı sheshim joldaryn kórsetýi.
«Memlekettik til jáne BAQ» baıqaýyna ótinim 2024 jyldyń 24 mamyryna deıin (qosa alǵanda) qabyldanady. Marapattaý rásimi maýsym aıynda Astana qalasynda ótedi.
Baıqaýǵa joldanǵan materıaldardy kásibı bilikti mamandardan qurylǵan komıssııa baǵalap, jeńimpaz ben júldegerlerdi anyqtaıdy. Baıqaýdyń bas júlde ıegerine 1 mln. teńge qarjylaı syılyq tabystalady. Sondaı-aq I orynǵa - 750 000 teńge, II orynǵa – 500 000 teńge, III oryn júldegerlerine 300 000 teńge beriledi. Baıqaý erejesi men tolyq aqparatty tilalemi.kz saıtynan jáne @tilqazyna Instagram paraqshasynan bilýge bolady.
Tolyq erejeni siltemeden oqyńyz.
