Memlekettık tıl mäselesın köterıp, şeşu joldaryn ūsynǧan azamattar arasyndaǧy bıregei baiqauǧa ötınım qabyldau bastaldy.
Tıl saiasaty komitetınıŋ tapsyrysymen jyl saiyn «Tıl-Qazyna» ūlttyq ǧylymi-praktikalyq ortalyǧy ūiymdastyratyn «Memlekettık tıl jäne BAQ» baiqauyna biyl käsıbi jurnalistermen qatar, äuesqoi qalamgerler men şetel azamattary da qatysa aldy. Dästürlı baiqauǧa 2024 jyldyŋ 1 qaŋtary men 24 mamyr aralyǧynda otandyq jäne şeteldık BAQ-ta jariialanǧan materialdar qabyldanady.On toǧyzynşy ret ūiymdastyrylyp otyrǧan baiqaudyŋ basty maqsaty – memlekettık tıldıŋ damuyna, qoldanys aiasynyŋ keŋeiuıne jäne qazırgı mäselelerınıŋ şeşıluıne jol aşatyn, qalyŋ auditoriiaǧa oi salatyn aqparattar legın arttyru jäne jurnalisterdı yntalandyru.
Baiqau materialdary ekı nominasiia boiynşa qabyldanyp, baǧalanady:
-
«Üzdık maqala» (Türlı janrda mätın formatynda jariialanǧan baspasöz materialy. Mäselen, gazet-jurnalda nemese saittarda jariialanǧan maqala, sūhbat, reportaj).
-
«Üzdık tele jäne radiobaǧdarlama» (Jurnalistika prinsipıne sai elektrondyq jäne multimedialyq format önımı. Mäselen, tele-radio baǧdarlama, telesiujet nemese kepşn-video).
Erejege säikes, bır avtor ekı material joldauy şart. Tırkelu formasy: https://docs.google.com/forms/d/1PUUerio7WqwJvzW4G_17cYZQA30H9z9HF5TvvlUUPn4/edit.
Ūsynylǧan materialdarǧa qoiylatyn talaptar:
-
taqyrypqa säikestık;
-
qamtylǧan aqparattyŋ özektılıgı, naqtylyǧy men şynaiylyǧy;
-
mäselenı taldau tereŋdıgı;
-
materialdy jetkızu şeberlıgı;
-
jurnalistika prinsipterıne sai keluı;
-
zamanaui şeşım joldaryn körsetuı.
«Memlekettık tıl jäne BAQ» baiqauyna ötınım 2024 jyldyŋ 24 mamyryna deiın (qosa alǧanda) qabyldanady. Marapattau räsımı mausym aiynda Astana qalasynda ötedı.
Baiqauǧa joldanǧan materialdardy käsıbi bılıktı mamandardan qūrylǧan komissiia baǧalap, jeŋımpaz ben jüldegerlerdı anyqtaidy. Baiqaudyŋ bas jülde iegerıne 1 mln. teŋge qarjylai syilyq tabystalady. Sondai-aq I orynǧa - 750 000 teŋge, II orynǧa – 500 000 teŋge, III oryn jüldegerlerıne 300 000 teŋge berıledı. Baiqau erejesı men tolyq aqparatty tilalemi.kz saitynan jäne @tilqazyna İnstagram paraqşasynan bıluge bolady.
Tolyq erejenı sıltemeden oqyŋyz.
