18-19 قازاندا قر مادەنيەت جانە سپورت مينيسترلىگىنىڭ قولداۋىمەن جامبىل اتىنداعى قازاق مەلەكەتتىك فيلارمونياسى امىرە قاشاۋباەۆ اتىنداعى ءداستۇرلى ءان ورىنداۋشىلارى بايقاۋىن ۇيىمداستىرادى، دەپ حابارلايدى “ادىرنا” ۇلتتىق پورتالى.
17 قازان كۇنى ساعات 12:00-دە جامبىل اتىنداعى قازاق مەملەكەتتىك فيلارمونياسىنىڭ ۇلكەن زالىنىڭ فويەسىندە امىرە قاشاۋباەۆ اتىنداعى ءداستۇرلى ءان ورىنداۋشىلارى بايقاۋىنىڭ ءباسپاسوز كونفەرەنتسياسى وتەدى.
اتالعان ءباسپاسوز ءماسليحاتىندا امىرە قاشاۋباەۆ اتىنداعى ءداستۇرلى ءان ورىنداۋشىلارى بايقاۋىن دامىتۋ جانە تانىمال ەتۋ، ءداستۇرلى ءان ونەرىنىڭ بۇگىنگى كەلبەتى مەن ناسيحاتتالۋ ماسەلەلەلەرى تالقىلانادى.
سپيكەرلەر:
- ابدۋاليەۆ اقان جىلقىشىبايۇلى - جامبىل اتىنداعى قازاق مەملەكەتتىك فيلارمونياسىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى، ۇيىمداستىرۋ القاسىنىڭ توراعاسى;
- جانپەيىسوۆ نۇرجان قابيموللاۇلى – قازاقستاننىڭ ەڭبەك سىڭىرگەن قايراتكەرى، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى، ءا.قاشاۋباەۆ اتىنداعى رەسپۋبليكالىق ءداستۇرلى ءان ورىنداۋشىلارى بايقاۋىنىڭ گران-پري يەگەرى، قازىلار القاسىنىڭ توراعاسى;
- جانپەيىسوۆا ساۋلە ستاحانشىلقىزى - قازاقستاننىڭ ەڭبەك سىڭىرگەن قايراتكەرى، قازىلار القاسىنىڭ مۇشەسى;
- امانگەلدى ۇزاقبايۇلى كۇزەۋباي - قۇرمانعازى اتىنداعى قازاق ۇلتتىق كونسەرۆاتورياسىنىىڭ حالىق مۋزىكاسى فاكۋلتەتى، حالىق اندەرى كافەدراسىنىڭ مەڭگەرۋشىسى، دوتسەنت، قازىلار القاسىنىڭ مۇشەسى;
- ايتباەۆ ەربول حاميتۇلى - س.تورايعىروۆ اتىنداعى ۋنيۆەرسيتەتتىڭ پروفەسسورى، قازاقستاننىڭ ەڭبەك سىڭىرگەن قايراتكەرى، قازىلار القاسىنىڭ مۇشەسى;
قازاقتىڭ ءان ونەرى تاريح كوشىن عاسىردان عاسىرعا جونەلتىسىپ، ۇرپاقتان ۇرپاققا ميراس بولىپ، بۇگىنگى كۇنگە دەيىن ءوزىنىڭ ساباقتاستىعىن جوعالتپاي كەلە جاتىر. ۇلتىمىزدىڭ اسا باي ءان ونەرىن دامىتۋعا ءبىرجان سال، اقان سەرى، مۇحيت، جاياۋ مۇسا، ۇكىلى ىبىراي، اسەت، ەستاي، نارتاي، كەنەن، قاپەز سياقتى حالىق كومپوزيتورلارى ولشەۋسىز ۇلەس قوسىپ، ونى كاسىبي دەڭگەيگە كوتەردى. ال وسى اعا بۋىننان قالعان مول مۇرانى كەيىنگىلەرگە اينا-قاتەسىز ورىنداپ جەتكىزۋگە امىرە قاشاۋباەۆ، قالي بايجانوۆ، عابباس ايتباەۆ، ماناربەك ەرجانوۆ، جۇسىپبەك ەلەبەكوۆ، عاريفوللا قۇرمانعاليەۆ، ت.ب. ساڭلاقتاردىڭ قوسقان ەڭبەگى زور. سونىڭ ىشىندە قازاقتىڭ ءانىن بۇرىن بولماعان بيىك ورەگە كوتەرىپ، الەمگە تۇڭعىش رەت تانىتقان امىرە قاشاۋباەۆتىڭ ورنى بولەك. ورىنداۋشىلىق شەبەرلىگى، ءان سالۋ ەرەكشەلىگى، ۇلگىسى ءوز الدىنا ءبىر مەكتەپ دەسە بولادى. ونىڭ ورىنداۋىنداعى «اعاش اياق»، «بالقاديشا»، «بەس قاراگەر»، «دۋداراي»، ت.ب. اندەرى ءالى كۇنگە دەيىن حالىق جادىندا.
قازاق ءان ونەرىندەگى دارا تۇلعا، قايتالانباس دارىن يەسىنىڭ شىعارماشىلىعىن دارىپتەپ، ەسىمىن ارداقتاپ، ماڭگى ەستە ساقتاۋ ماقساتىندا سەكسەنىنشى جىلدارى امىرە قاشاۋباەۆ اتىنداعى ءداستۇرلى ورىنداۋشىلار بايقاۋى باستاۋ الدى. بۇل بايقاۋ ەلىمىزدەگى ءداستۇرلى اندەردى ناسيحاتتاۋعا ارنالعان ەلەۋلى مادەني شارا بولىپ ەسەپتەلەدى. بيىل قر مادەنيەت جانە سپورت مينيسترلىگى بايقاۋدى قايتا جانداندىرىپ، قولداپ، ۇيىمداستىرۋدى جامبىل اتىنداعى قازاق مەملەكەتتىك فيلارمونيا ۇجىمىنا ۇلكەن سەنىممەن تاپسىردى.
اتالمىش مادەني شارانىڭ باستى باعىتى - قازاق حالقىنىڭ ءداستۇرلى ءان ونەرىن دامىتا وتىرىپ، دارىندى جاستاردىڭ ورىنداۋشىلىق شەبەرلىگىن ۇشتاۋ، ۇلى ءانشىنىڭ ءتول مۇراسىن كەڭىنەن ناسيحاتتاپ، ۇلتتىق ءان ونەرىنىڭ جەتىستىكتەرىن جاڭعىرتىپ، سول ارقىلى جاس بۋىننىڭ رۋحاني جان دۇنيەسىن تاربيەلەۋدى ماقسات تۇتادى.
امىرە قاشاۋباەۆ اتىنداعى ءداستۇرلى ورىنداۋشىلار بايقاۋى كوپتەگەن تالانت يەلەرىن جينادى. بايقاۋدان كەيىن جاس انشىلەردىڭ ورىنداۋشىلىق شەبەرلىگى ءوسىپ، وتاندىق ساحنادان ءوز ورنىن تاپقاندار دا از ەمەس. ولاردىڭ قاتارىندا ءان ونەرىنىڭ ساڭلاقتارى – م.مۇكامانوۆ، س.جانپەيىسوۆا، س.وسپانوۆ، م.ادامبەكوۆ، د.ومىراليەۆ، س.تاۋداەۆا، ب.ۇدەرباەۆا، ع.مۇحامەدين، س. ءابدىراحمانوۆ، ق. كاكيموۆ، ە.ايتباەۆ، ە.شۇكىمانوۆ، ر.ستامعازيەۆ، ە.رىسقالي، ا.قوسانوۆا، ءا. مۇسا، ە. ستامعازيەۆ، گ. سارينا، ك.تولەنباەۆا ت.ب. اتاپ وتۋگە بولادى.
“ەل ءىشى – ونەر كەنىشى” دەيدى دانا حالقىمىز. ارينە، قازاقتىڭ ءداستۇرلى ءان ورىنداۋشىلارى مۇنىمەن شەكتەلمەسى انىق. ەندەشە، بۇل بايقاۋ الداعى ۋاقىتتا دا جاس ونەرپازدارمەن تولىسىپ، بۇگىنگى ۇرپاقتى حالقىمىزدىڭ باعا جەتپەس مول مۋزىكالىق مۇراسىمەن سۋسىنداتا بەرەدى دەپ سەنەمىز.
