استانادا 7 جاستاعى بالا سۋعا باتىپ بارا جاتقان دوسىن قۇتقارىپ قالدى، دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
قالالىق پوليتسيا دەپارتامەنتىنىڭ مالىمەتىنشە، 102-گە ەسىل وزەنىنىڭ جاعاسىندا بالىقشىلار كامەلەتكە تولماعان بالانى سۋدان الىپ شىققان تۋرالى حابار كەلىپ تۇسكەن. شاقىرتۋ بويىنشا سول جەرگە اۆتوپاترۋل جىبەرىلدى.
«7 جاستاعى بالا تۇسكى استان كەيىن دوسىمەن بىرگە جاعالاۋدا سەرۋەندەۋگە شىققانى انىقتالدى. ويناپ ءجۇرىپ بالالار مۇزعا شىعىپ كەتكەن. ءبىر كەزدە مۇز جارىلىپ، بالالاردىڭ ءبىرى سۋعا ءتۇسىپ كەتكەن. ەكىنشى بالا جاقىن جەردە بالىقشىلاردى كورىپ، جۇگىرىپ بارىپ كومەك سۇراعان. بالىقشىلار بىردەن سۋعا باتىپ بارا جاتقان بالاعا كومەككە بارادى. ولار بالانى سۋدان شىعارىپ ۇلگەرىپ، جەدەل جاردەم بريگاداسىن شاقىرعان. قازىرگى ۋاقىتتا بالانىڭ دەنساۋلىعى جاقسى»،—دەلىنگەن حابارلامادا.
سارىارقا اۋدانى پب پوليتسيا ءبولىمىنىڭ باستىعى قادىر مالعازداروۆ دوسىنىڭ سۋعا باتىپ بارا جاتقانىن كورىپ، بالىقشىلاردى كومەككە شاقىرىپ ۇلگەرگەن 7 جاستاعى پۋس دارحان اتتى بالاعا ريزاشىلىعىن ءبىلدىرىپ، ماراپاتىن ۇسىندى.
