استانادا جوعالىپ كەتكەن 14 جاستاعى مەكتەپ وقۋشىسىنىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى.
بۇل جونىندە قالالىق پوليتسيا دەپارتامەنتى حابارلادى.
پوليتسيانىڭ مالىمەتىنشە، 24 قاراشا كۇنى ساعات 21:00-دە قالا تۇرعىنى قىزىن تابا الماي، قۇقىق قورعاۋ ورگاندارىنا جۇگىنگەن. ايتۋىنشا، ءجاسوسپىرىم ساعات 18:30 شاماسىندا ۇيدەن شىعىپ كەتكەننەن كەيىن بايلانىسقا شىقپاعان.
قىزدى ىزدەۋگە پوليتسيانىڭ بارلىق جەكە قۇرامى، ەرىكتىلەر جانە وزگە دە كۇشتەر تارتىلعان.
ىزدەۋ جۇمىستارى ناتيجەسىندە ءجاسوسپىرىمنىڭ دەنەسى وزەننەن تابىلعان.
«سۋيتسيد فاكتىسى بويىنشا قىلمىستىق ءىس قوزعالدى. وقيعانىڭ بارلىق ءمان-جايى انىقتالىپ جاتىر»، – دەپ مالىمدەدى پوليتسيا دەپارتامەنتى.
ۇقساس جاڭالىقتار
