ەلوردادا الماتى قالاسىنىڭ ەكس-اكىمى، «نۇر وتان» (قازىرگى «امانات») پارتياسى توراعاسىنىڭ ءبىرىنشى ورىنباسارى بولعان باۋىرجان بايبەكتىڭ اكەسى قىدىرعالي بايبەككە قاتىستى ەكى سوت ءىسى قوزعالدى، دەپ حابارلايدى «ادىرنا» ءتىلشىسى.
اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان اۋدانارالىق سوتى ءبىرىنشى ءىستى 26 ماۋسىمدا قابىلداعان. ال سوت پروتسەسى 11 شىلدەدە بەينەبايلانىس ارقىلى ءوتۋى كەرەك ەدى.
بايبەكتىڭ اكەسىنە اكىمشىلىك قۇقىق بۇزۋشىلىق تۋرالى كودەكستىڭ 319-بابى بويىنشا ايىپ تاعىلدى. وسى باپتا ءتيىستى جەرگە قۇقىقسىز وندىرىستىك، تۇرعىن ءۇي، شارۋاشىلىق، گيدروتەحنيكالىق (سۋ شارۋاشىلىعى) نەمەسە شارۋاشىلىق-تۇرمىستىق وبەكتىلەردى زاڭسىز سالۋ انىقتالعان. باپتىڭ سانكتسياسى زاڭسىز سالىنعان جانە قۇرىلىستى ماجبۇرلەپ بۇزۋمەن نەمەسە ايىپپۇل سالۋدى قاراستىرادى.
سونىمەن قاتار، قىدىرعالي بايبەككە تاعىلعان تاعى ءبىر ايىپ اقبتك-ءنىڭ 463-بابىنىڭ ءبىرىنشى بولىگى بويىنشا قارالادى دەپ كۇتىلۋدە. اكiمشiلiك قۇقىق بۇزۋشىلىق تۋرالى بۇل باپ تيiستi تiركەۋسiز، رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ، سونداي-اق ارەكەتتەردi جۇزەگە اسىرۋدى قاراستىرادى.
ايتا كەتەيىك، قىدىرعالي بايبەك كوپشىلىككە الماتىنىڭ ەكس-اكىمى باۋىرجان بايبەكتىڭ اكەسى جانە نۇرسۇلتان نازارباەۆتىڭ سىنىپتاسى رەتىندە تانىمال. ول تەمىرجول سالاسىندا ەڭبەك ەتكەن.
