31 ناۋرىزدا نۇر-سۇلتاندا قر پرەمەر-ءمينيسترى ءاليحان سمايىلوۆتىڭ توراعالىعىمەن ءبىلىم بەرۋ جۇيەسىن قايتا فورماتتاۋ جانە ەكونوميكانىڭ قاجەتتىلىكتەرىنە ساي كادرلار دايارلاۋدى قامتاماسىز ەتۋ ماسەلەلەرى جونىندە كەڭەس ءوتتى. بۇل تۋرالى قازاقستان ۇكىمەتى جاريالادى، دەپ حابارلايدى “ادىرنا” ۇلتتىق پورتالى.
كەڭەستە مەملەكەت باسشىسىنىڭ تاپسىرماسىن ورىنداۋ ماقساتىندا «قازاقستان رەسپۋبليكاسىنداعى جاڭا كاسىپتەر مەن قۇزىرەتتەر اتلاسى» ازىرلەنىپ، ول 2020 جىلى بەكىتىلدى.
قۇجات 2025 جىلعا دەيىنگى حالىقتىڭ تابىسىن ارتتىرۋ باعدارلاماسىنا ەنگىزىلگەن جانە ەڭبەك نارىعى مەن كاسىبي ستاندارتتاردى بولجاۋعا نەگىز بولىپ تابىلادى. اتلاس 9 باسىم باعىت بويىنشا جۇزەگە اسىرىلادى.
“قازاقستاندا كادرلارعا قاجەتتىلىكتى بولجاۋ ءالى دە جەتكىلىكتى دامىماعان، قازىرگى ءبىلىم بەرۋ باعدارلامالارى ەڭبەك نارىعى تالاپتارىنىڭ وزگەرۋىن جانە قاجەتتىلىك بويىنشا بولجامداردى تولىق كولەمدە كورسەتە المايدى”، - دەلىنگەن حابارلامادا.
سونداي-اق، اليحان سمايىلوۆ حاتتاماعا بىرقاتار ناقتى تاپسىرما ەنگىزۋدى جانە قر ۇكىمەتى وتىرىسىندا ءبىلىم بەرۋ جۇيەسىن قازىرگى جاعدايعا بەيىمدەپ، قايتا قالىپتاستىرۋ ماسەلەلەرىن قاراۋدى تاپسىردى.
”ادىرنا” ۇلتتىق پورتالى
