قىزعىزستاننىڭ تۋماسى، بەلگىلى كاسىپكەر، مەتسەنات، "قاعانات" قورىنىڭ نەگىزىن قالاۋشى نۇرعالى اساناليەۆ قىرعىز قاعاناتىن بىرلەستىك نەگىزىندە قايتا قۇرۋدى ۇسىندى. ونىڭ پايىمداۋىنشا، قىرعىز قاعاناتىنىڭ قۇرامىنا اۆتونوميا رەتىندە قازاقستان دا كىرە الادى، دەپ حابارلايدى "ادىرنا" ۇلتتىق پورتالى 24.kg-عا سىلتەمە كورسەتە وتىرىپ.
مەتسەنات قاعاناتتىڭ قۇرامىنا قىرعىزستان، قازاقستان، تۇركىمەنستان، تاجىكستان، وزبەكستان جانە موڭعوليا مەملەكەتتەرى كىرگىزۋگە بولاتىنىن مالىمدەدى.
اساناليەۆتىڭ پىكىرىنشە، قىرعىز قاعاناتى ءبىر كەزدەرى ۇلى جانە قۋاتتى يمپەريا بولعان جانە ونى قالپىنا كەلتىرۋ ەلدەردىڭ ەكونوميكالىق جانە ساياسي تۇراقتىلىعىن، سونداي-اق باسقا حالىقتارمەن مادەني بايلانىستاردى نىعايتۋعا ىقپال ەتەدى.
“كونفەدەراتسيا - بۇل مەملەكەتتەر نەمەسە ايماقتار ايتارلىقتاي اۆتونوميا مەن تاۋەلسىزدىكتى ساقتاي وتىرىپ، ءبىرتۇتاس ساياسي قۇرىلىمعا بىرىگەتىن باسقارۋ نىسانى ەكەنى بارىمىزگە بەلگىلى”، – دەيدى كاسىپكەر.
سونداي-اق نۇرعالى اساناليەۆ تاريحتىڭ ۇلتتىق بىرەگەيلىكتى ساقتاۋدا جانە بولاشاقتى قۇرۋدا ماڭىزدى ءرول اتقاراتىنىن اتاپ ءوتتى. ونىڭ ويىنشا، تاريحي مۇرالاردى ساقتاپ قانا قويماي، ولاردان ساباق الۋ ءۇشىن بۇرىن جاسىرىلعان تاريحي فاكتىلەردى اتاپ ءوتۋ ماڭىزدى.
سونىمەن قاتار، اۆتور سۇحبات بارىسىندا رەسەي سەكىلدى ەلدەرمەن ىنتىماقتاستىق پەن ۇجىمدىق قاۋىپسىزدىكتى مىقتاپ ورناتۋ قاجەت ەكەندىگىن ءسوز ەتەدى، سونداي-اق تۇركياداعى جەر سىلكىنىسىنەن زارداپ شەككەندەرگە كومەك كورسەتۋ، قۇتقارۋشىلاردى دايىنداۋ ماسەلەلەرىنە دە توقتالادى. كونە ەنيسەي قاعاناتىن ەسكە الىپ، تمد مەملەكەتتەرىنىڭ نەگىزىندە قاعاناتتى قايتا جاڭعىرتۋى قالايتىنىن جاسىرمايدى.
"ادىرنا" ۇلتتىق پورتالى
