اتىراۋ پوليتسەيلەرى بالالارعا "شابۋىل جاسالاتىنى" تۋرالى حابارلاماعا تۇسىنىك بەردى، دەپ حابارلايدى "ادىرنا" ءتىلشىسى.
اتىراۋ وبلىستىق پوليتسيا دەپارتامەنتى الەۋمەتتىك جەلىلەردە قالا مەكتەپتەرىنە بەيتانىس تۇلعالاردىڭ شابۋىل جاسايتىنى تۋرالى جالعان اقپارات تاراپ جاتقانىن انىقتاعان.
"وسى فاكتى بويىنشا پوليتسيا دەپارتامەنتى تەرروريزم اكتىسى تۋرالى كورىنەۋ جالعان حابارلاعانى ءۇشىن سوتقا دەيىنگى تەرگەپ-تەكسەرۋ جۇرگىزىپ جاتقانىن حابارلايمىن. 26 قاڭتاردان بەرى قۇزىرەتتى ورگاندارمەن بىرلەسىپ وقۋ ورىندارىنىڭ قاۋىپسىزدىگىن قامتاماسىز ەتۋ، ونىڭ ىشىندە بەينەباقىلاۋ ارقىلى جانە ولارعا جاقىن جەرلەردە پوليتسيا جاساقتارىن كوبەيتۋ جۇمىستارىن ۇزدىكسىز جۇرگىزىپ جاتىرمىز. مەكتەپ وقۋشىلارى شتاتتىق رەجيمدە وقۋىن جالعاستىرىپ جاتىر، پوليتسيا جانە وزگە دە قۇزىرلى ورگاندار تيىسىنشە قاۋىپسىزدىكتى قامتاماسىز ەتەدى", - دەدى اتىراۋ پوليتسيا باسقارماسى باستىعىنىڭ ورىنباسارى ءانۋار كوكالوۆ.
بۇل حابارلاما حالىق اراسىندا ۇلكەن دۇربەلەڭ تۋدىردى. تەراكت تۋرالى اقپاراتتان كەيىن 50 مىڭعا جۋىق بالا ساباققا بارماعان.
الايدا تۇرعىنداردىڭ حابارلاۋىنشا "قورقىنىشتى" حابارلاما ءالى دە جولدانىپ جاتىر.
