اتىراۋ قالاسىندا سۇلتان بەيبارىس مەشىتىندە كەلۋشىلەردىڭ ءبىرى دورەكىلىك تانىتقان، دەپ حابارلايدى "ادىرنا" پورتالى.
بەينەجازبادان جاس جىگىتتىڭ ءدىني قىزمەتكەرلەردىڭ سوزىنە قۇلاق اسپاي، داۋلاسىپ جاتقانىن بايقاۋعا بولادى. كەيىن وعان تانىستارى دا قوسىلا كەتكەن.
وبلىستىق ءدىن ىستەرى باسقارماسىنىڭ باسشىسى قايروللا كوشقاليەۆتىڭ ايتۋىنشا، بولعان جايتقا قاتىستى پوليتسيا باسقارماسىنا قوڭىراۋ تۇسكەن. وندا بەلگىسىز ادامدار قالالىق سۇلتان بەيبارىس مەشىتىندە ءدىني بىرلەستىك وكىلدەرىمەن ايقايلاسا باستاعانى جونىندە ايتىلعان. بۇل ءوز كەزەگىندە مەشىتكە كەلۋشىلەردىڭ اراسىندا الۋان پىكىردىڭ تۋىنداۋىنا اكەلىپ سوققان. ارتى داۋ-دامايعا ۇلاسقان.
پوليتسيا قىزمەتكەرلەرى بۇل ىسكە قاتىستى قاجەتتى قۇجاتتاردى جيناقتاپ، ءدىني باسقارماعا جولداعان. ودان ءارى اتالعان ماسەلە اكىمشىلىك سوتتا قارالاتىن بولادى.
https://youtu.be/lQI2vj27h74
ۇقساس جاڭالىقتار
