اتىراۋ وبلىسىنداعى مەكتەپتە بومبا بار دەپ حابارلاعان ەر ادام قىلمىستىق جازادان قۇتىلدى، دەپ حابارلايدى «ادىرنا» ءتىلشىسى موي گورود باسىلىمىنا سىلتەپ.
اتىراۋدا ەر ادام مەكتەپتەردىڭ بىرىندە بومبا بولعانىن حابارلاعان. كەيىننەن ونىڭ جالعان حابارلاما تاراتقانى انىقتالىپ، قىلمىستىق ءىس قوزعالدى. الايدا جاۋاپكەرشىلىكتەن بوساتىلعان.
«كۇدىكتى قىلمىستىق جاۋاپكەرشىلىكتەن بوساتىلىپ، جالپى پسيحياتريالىق ستاتسيوناردا ماجبۇرلەپ ەمدەۋگە تاعايىندالدى»، - دەلىنگەن جەكسەنبى كۇنى تاراتقان حابارلامادا.
اتىراۋ وبلىسىنىڭ پوليتسيا دەپارتامەنتىنىڭ مالىمەتىنشە، قوڭىراۋ شالعان 27 جاستاعى قالا تۇرعىنى بولىپ شىقتى.
ەر ادامنىڭ دەنساۋلىعىندا كىنارات بولىپ، ول قايدا قوڭىراۋ شالىپ جاتقانىن بىلمەدى.
«سوت-پسيحياتريالىق ساراپتامانىڭ قورىتىندىسىنا سايكەس، بۇل ازامات سوزىلمالى پسيحيكالىق بۇزىلىسپەن اۋىراتىنى راستالدى، ول سوزىلمالى تۇردەگى پارانويدتىق شيزوفرەنيا، تۇراقتى اقاۋى بار»، - دەپ حابارلادى اتىراۋ وبلىسىنىڭ پوليتسيا دەپارتامەنتى.
