اتىراۋعا قىتايدىڭ شىعىس جاعالاۋىنداعى ليانيۋنگان ءىرى پورتىنان گۋمانيتارلىق كومەك كەلدى، دەپ حابارلايدى "ادىرنا" ۇلتتىق پورتالى.
كومەك 10 ماۋسىمدا اتىراۋعا جەتكەن.
اتىراۋ وبلىسىنىڭ توتەنشە جاعدايلار جونىندەگى جەدەل شتابى قىتاي مەن قازاقستان ۇزاق دوستىق تاريحى بار وركەنيەتتى مەملەكەتتەر ەكەنىن جەتكىزدى.
"ليانيۋنگان مەن اتىراۋ ءبىر-بىرىنەن الىس بولسا دا، حالىقتاردىڭ قارىم-قاتىناسىنا كەدەرگى كەلتىرمەيدى. كەيبىر سەبەپتەرگە بايلانىستى ءبىزدىڭ گۋمانيتارلىق كومەك ءسال كەشىگىپ قالدى. بىراق بۇل ءسىزدىڭ ەلگە قامقورلىق كورسەتۋ نيەتىمىزگە كەدەرگى ەمەس. بۇگىن مەن ليانيۋنگان پورتىنىڭ اتىنان گۋمانيتارلىق كومەكتى اتىراۋ قالاسىنىڭ الەۋمەتتىك دامۋ قورىنا تاپسىرامىن”، – دەدى ورتالىق ازياداعى ليانيۋنگان پورتىنىڭ وكىلدىگىنىڭ ديرەكتورى چجاو ۆەي.
وبلىستاعى سۋ تاسقىنىنان زارداپ شەككەندەرگە ليانيۋنگان قالاسىنان شاتىرلار، توسەك-ورىن جابدىقتارى، قولعاپتار، رەزەڭكە ەتىكتەر، كۇرەكتەر مەن ىلعال سىڭىرەتىن قۇرالدار جەتكىزىلدى.
