تۇركىستان وبلىسىنداعى ءبىلىم بەرۋ سالاسىندا 2 ميلليارد تەڭگەگە جۋىق سومانىڭ ۇرلانۋىنا قاتىستى ءىس تەرگەلۋدە، دەپ حابارلايدى “ادىرنا” ۇلتتىق پورتالى قارجى مونيتورينگى اگەنتتىگىنىڭ ءباسپاسوز قىزمەتىنە سىلتەمە جاساپ.
«تۇركىستان وبلىسى بويىنشا قما دەپارتامەنتى وبلىس پروكۋراتۋراسىنىڭ ۇيلەستىرۋىمەن جانە اكىمدىكتىڭ اتسالىسۋىمەن ماقتاارال اۋداندىق ءبىلىم ءبولىمىنىڭ ەسەپشىلەرىنە 1,2 ملرد تەڭگە جانە بايدىبەك اۋداندىق ءبىلىم باسقارماسىمەن 600 ملن كولەمىندە سەنىپ تاپسىرىلعان مۇلىكتى زاڭسىز يەمدەنۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى»، - دەلىنگەن بەيسەنبىدەگى حابارلامادا.
قما مالىمەتىنشە، بۇگىندە بۇل ەكى وبلىستا مەملەكەتكە كەلتىرىلگەن شىعىننىڭ جالپى سوماسى 1,8 ميلليارد تەڭگەدەن اسادى.
“2020-2023 جىلدار ارالىعىندا «1س: بۋحگالتەريا» ەسەپ باعدارلاماسىندا جالپى ءبىلىم بەرەتىن مەكتەپتەر قىزمەتكەرلەرىنىڭ كارتوچكالىق شوتتارى مەن جەكە سايكەستەندىرۋ نومىرلەرىنىڭ (جسن) ورنىنا ولارمەن ۇلەستەس تۇلعالاردىڭ جسن ەنگىزگەن ايىپتالۋشىلار انىقتالدى”، - دەلىنگەن قما حابارلاماسىندا.
ايتا كەتەرلىگى، جاۋاپكەرلەر 120 ملن تەڭگە كولەمىندە كەلتىرىلگەن شىعىندى ءوز ەركىمەن وتەپ بەرگەن.
“ادىرنا” ۇلتتىق پورتالى
