Türkıstan oblysyndaǧy bılım beru salasynda 2 milliard teŋgege juyq somanyŋ ūrlanuyna qatysty ıs tergelude, dep habarlaidy “Adyrna” ūlttyq portaly Qarjy monitoringı agenttıgınıŋ baspasöz qyzmetıne sılteme jasap.
«Türkıstan oblysy boiynşa QMA departamentı oblys prokuraturasynyŋ üilestıruımen jäne äkımdıktıŋ atsalysuymen Maqtaaral audandyq bılım bölımınıŋ esepşılerıne 1,2 mlrd teŋge jäne Bäidıbek audandyq bılım basqarmasymen 600 mln kölemınde senıp tapsyrylǧan mülıktı zaŋsyz iemdenu faktısı boiynşa sotqa deiıngı tergep-tekserudı bastady», - delıngen beisenbıdegı habarlamada. QMA mälımetınşe, bügınde būl ekı oblysta memleketke keltırılgen şyǧynnyŋ jalpy somasy 1,8 milliard teŋgeden asady. “2020-2023 jyldar aralyǧynda «1S: Buhgalteriia» esep baǧdarlamasynda jalpy bılım beretın mektepter qyzmetkerlerınıŋ kartochkalyq şottary men jeke säikestendıru nömırlerınıŋ (JSN) ornyna olarmen ülestes tūlǧalardyŋ JSN engızgen aiyptaluşylar anyqtaldy”, - delıngen QMA habarlamasynda. Aita keterlıgı, jauapkerler 120 mln teŋge kölemınde keltırılgen şyǧyndy öz erkımen ötep bergen.“Adyrna” ūlttyq portaly
Ūqsas jaŋalyqtar
