ءبىلىم جانە عىلىم ءبىرىنشى ۆيتسە-ءمينيسترى شولپان قارينوۆا تۇركىستانداعى دارەتحانادا كوز جۇمعان بەسىنشى سىنىپتىڭ وقۋشىسىنا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى Stan.kz سايتىنا سىلتەمە جاساپ.
ءسوزسىز، بالانىڭ ءولىمى — وتە ۇلكەن تراگەديا. بۇل جاعداي بەلگىلى بولعان سوڭ، بىردەن بالالاردىڭ قۇقىقتارىن قورعاۋ كوميتەتىنىڭ وكىلدەرى تۇركىستان وبلىسىنا اتتاندى. قازىر دە ولار سوندا جۇمىس ىستەپ جاتىر، - دەيدى شولپان قارينوۆا.
ال وقۋشىدان اقشا بوپسالاۋ ماسەلەسى بويىنشا ول الدىن-الا بولجام جاساپ، تون پىشپەۋگە شاقىردى.
كارينوۆانىڭ ويىنشا، قورىتىندى جاساۋعا اسىعۋدىڭ قاجەتى جوق. مۇندا ءتيىستى ورگاندار ءتيىستى جۇمىستاردى اياقتاۋى كەرەك. سوندا عانا شەشىم قابىلدانادى.
“ال اقشا جيناۋ ماسەلەسىنە كەلەر بولساق، ءبىلىم جانە عىلىم مينيسترلىگى مۇنى ۇنەمى ايتىپ كەلەدى. اتا-انالار اراسىندا بولسىن، جالپى، مەكتەپتىڭ ىشىندە اقشا جينالماۋى ءتيىس. ءار دەرەكتى جەكە قاراستىرىپ، ەڭ قاتاڭ شارالار قابىلدانادى، - دەدى ۆيتسە-مينيستر.
“ادىرنا” ۇلتتىق پورتالى
