قازاقستاندىق كاسىپكەر، مەتسەنات، «TAS GROUP» كومپانيالار توبىنىڭ نەگىزىن قالاۋشى دۋلات تاستەكەي “قازاق ءتىلىن بىلمەيتىن ادامدى ءوز كومپانياسىنا جۇمىسقا قابىلدامايتىنىن” ايتتى، دەپ حابارلايدى “ادىرنا” ۇلتتىق پورتالى.
بۇل تۋرالى كاسىپكەر ءوز Instagram پاراقشاسىندا ءبولىستى.
ء“بىزدىڭ كومپانيادا قازاق ءتىلىن بىلمەيتىن ادام جۇمىسقا الىنبايدى. بىزدە مىناداي تۇسىنىك بار: ءبىز سويلەپ وتقان ادامنان قازاق ءتىلىن 100% تالاپ ەتەمىز. امەريكاعا، باسقا مەملەكەتتەرگە بارىپ، اعىلشىن ءتىلىن قيسىق سويلەسەڭ، ساعان ەشكىم كۇلمەيدى، سەن جاقسى سويلەپ تۇرسىڭ دەپ، ماقتاپ، ارقاڭنان قاعىپ قويادى. ءبىز ءوزىمىزدىڭ ءتىلىمىزدى ارى قاراي دامىتۋ ءۇشىن وسى قاسيەتتى دە ۇستانۋىمىز كەرەك. شىنىن ايتايىن، ءبىزدىڭ قوستانايداعى، پەتروپاۆلداعى كەيبىر قىزمەتكەرلەرىمىز قازاقشاعا سۋداي اعىپ تۇرماسا دا، ءوز ويىن جەتكىزىپ، قاراپايىم قىزمەت ءتۇرىن كورسەتە الاتىنداي دەڭگەيدە. دەگەنمەن ادەبي تىلدە شىعارما جازىپ، ولەڭ شىعاراتىن دەڭگەيدەگى قازاق ءتىلى جوق”، - دەپ ايتتى كاسىپكەر.
سونداي-اق دۋلات تاستەكەي انا ءتىلىمىزدى ۇيرەنۋى ءۇشىن قىزمەتكەرلەرىنە ارنايى قازاق ءتىلى كۋرسىن ۇيىمداستىرعانىن دا اتاپ ءوتتى.
“قازاق ءتىلىن ءبىلۋ كەرەك دەگەن بۇيرىق، شارت 2020 جىلدان باستاپ كىردى. وعان دەيىن بىزگە جۇمىسقا تۇرعان باسقا ۇلت وكىلدەرى بار، ءوزىمىزدىڭ قاراكوزدەر بار – ءبىز ولارعا تەگىن قازاق ءتىلى كۋرسىن ۇيىمداستىرىپ، ولاردى جىلدان-جىلعا ۇيرەتىپ جاتىرمىز”، - دەپ كاسىپكەر اعىنان جارىلدى.
“ادىرنا” ۇلتتىق پورتالى
