Qazaqstandyq käsıpker, mesenat, «TAS GROUP» kompaniialar tobynyŋ negızın qalauşy Dulat Tastekei “qazaq tılın bılmeitın adamdy öz kompaniiasyna jūmysqa qabyldamaitynyn” aitty, dep habarlaidy “Adyrna” ūlttyq portaly.
Būl turaly käsıpker öz Instagram paraqşasynda bölıstı. “Bızdıŋ kompaniiada qazaq tılın bılmeitın adam jūmysqa alynbaidy. Bızde mynadai tüsınık bar: bız söilep otqan adamnan qazaq tılın 100% talap etemız. Amerikaǧa, basqa memleketterge baryp, aǧylşyn tılın qisyq söileseŋ, saǧan eşkım külmeidı, sen jaqsy söilep tūrsyŋ dep, maqtap, arqaŋnan qaǧyp qoiady. Bız özımızdıŋ tılımızdı ary qarai damytu üşın osy qasiettı de ūstanuymyz kerek. Şynyn aitaiyn, bızdıŋ Qostanaidaǧy, Petropavldaǧy keibır qyzmetkerlerımız qazaqşaǧa sudai aǧyp tūrmasa da, öz oiyn jetkızıp, qarapaiym qyzmet türın körsete alatyndai deŋgeide. Degenmen ädebi tılde şyǧarma jazyp, öleŋ şyǧaratyn deŋgeidegı qazaq tılı joq”, - dep aitty käsıpker. Sondai-aq Dulat Tastekei ana tılımızdı üirenuı üşın qyzmetkerlerıne arnaiy qazaq tılı kursyn ūiymdastyrǧanyn da atap öttı. “Qazaq tılın bılu kerek degen būiryq, şart 2020 jyldan bastap kırdı. Oǧan deiın bızge jūmysqa tūrǧan basqa ūlt ökılderı bar, özımızdıŋ qaraközder bar – bız olarǧa tegın qazaq tılı kursyn ūiymdastyryp, olardy jyldan-jylǧa üiretıp jatyrmyz”, - dep käsıpker aǧynan jaryldy.“Adyrna” ūlttyq portaly
Ūqsas jaŋalyqtar
