قازاقستاننىڭ بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ قاماۋعا الۋ مەرزىمى ناۋرىز ايىنا دەيىن ۇزارتىلدى، دەپ حابارلايدى “ادىرنا” ءتىلشىسى.
استانا سوتىنىڭ ءباسپاسوز قىزمەتى ەكس-مينيستر قۋاندىق بيشىمباەۆتىڭ قاماۋعا الۋ مەرزىمىن 9 ناۋرىزعا دەيىن ۇزارتۋ تۋرالى اقپاراتتى راستادى.
ەستەرىڭىزگە سالا كەتەيىك، 9 قاراشا كۇنى كەشكە الەۋمەتتىك جەلىدە ەكس-مينيستر قۋاندىق بيشىمباەۆتىڭ ايەلى سالتانات نۇكەنوۆانى ۇرىپ ولتىرگەنى تۋرالى حابارلاما تاراعان بولاتىن. كەيىننەن مينيسترلىك بۇرىنعى ءمينيستردىڭ ايەلىن ۇرىپ ولتىرگەنى ءۇشىن ۇستالعانىن راستادى.
قازاقستان پرەزيدەنتى قاسىم-جومارت توقاەۆ ىشكى ىستەر مينيسترلىگى باسشىلىعىنا ءىستى ەرەكشە باقىلاۋعا الۋدى تاپسىردى.
