اقمولا وبلىسىنىڭ ستەپنوگورسك قالاسىنداعى قىلمىستىق-اتقارۋ جۇيەسى دەپارتامەنتىنىڭ №5 مەكەمەسىندە كىرۋ-شىعۋدى باقىلايتىن جاڭا بەينەدوموفون جۇيەسى ىسكە قوسىلدى، دەپ حابارلايدى "ادىرنا".
بۇل تۋرالى اقمولا وبلىسىنىڭ پروكۋراتۋراسى حابارلادى. پروكۋراتۋرا مالىمەتىنشە، بيىل ستەپنوگورسكىدەگى قىلمىستىق-اتقارۋ جۇيەسى مەكەمەلەرىنىڭ ماتەريالدىق-تەحنيكالىق بازاسىن نىعايتۋعا بيۋدجەتتەن قارجى ءبولۋ ماسەلەسى شەشىلگەن.
وسىنىڭ ناتيجەسىندە №5 مەكەمەگە زاماناۋي بەينەدوموفون جۇيەسى ورناتىلدى. سوتتالعان ادام مەكەمە اۋماعىنان شىعۋ ءۇشىن شاقىرۋ تۇيمەسىن باسادى. كەزەكشى قىزمەتكەر بەينەبايلانىس ارقىلى ونىڭ جەكە باسىن انىقتاپ، شىعۋ ماقساتىن ناقتىلايدى. رۇقسات بەرىلگەننەن كەيىن عانا ەسىك اشىلادى جانە اۆتوماتتى تۇردە قايتا جابىلادى.
پروكۋراتۋرا وكىلدەرىنىڭ ايتۋىنشا، جاڭا جۇيە سوتتالعانداردىڭ مەكەمە ىشىندە باقىلاۋسىز قوزعالۋىنا جول بەرمەي، وتكىزۋ ءتارتىبىن كۇشەيتۋگە جانە قىزمەتكەرلەر مەن نىسان قاۋىپسىزدىگىن ارتتىرۋعا مۇمكىندىك بەرەدى.
سونىمەن قاتار سوتتالعانداردىڭ قوزعالىسىن رەتتەيتىن زاماناۋي بەينەباقىلاۋ جانە كىرۋدى باسقارۋ جۇيەلەرىن ەنگىزۋ مەكەمەلەردەگى ءتارتىپ پەن قاۋىپسىزدىكتى قامتاماسىز ەتۋدىڭ ءتيىمدى تەتىكتەرىنىڭ ءبىرى ەكەنى اتاپ ءوتىلدى.
ەسكە سالايىق، ۇلتتىق ەكونوميكا مينيسترلىگىنىڭ بۇرىنعى باسشىسى قۋاندىق بيشىمباەۆ 24 جىلعا سوتتالعان. ول جازاسىن ستەپنوگورسكىدەگى قىلمىستىق-اتقارۋ جۇيەسى دەپارتامەنتىنىڭ №5 مەكەمەسىندە وتەپ جاتىر.
