استانادا ۇزاق مەرزىمدى قۇرىلىس نىساندارى – 10 تۇرعىن ءۇي كەشەنى اياقتالادى. بۇل تۋرالى ەلوردا اكىمى جەڭىس قاسىمبەك ايتتى، دەپ حابارلايدى “ادىرنا” ۇلتتىق پورتالى.
اكىم «ارابي 2 - گرانيتنىي 2» تۇرعىن ءۇي كەشەنى، «ارىستان»، 4-كۆارتال، «Future home» سياقتى ۇزاق مەرزىمدى قۇرىلىس نىساندارىنىڭ قۇرىلىس بارىسىمەن تانىستى.
«بۇل تۇرعىن ءۇي كەشەندەرىنىڭ 12 جىلعا جۋىق تاريحى بار. ماسەلەن، ارابي 2 - گرانيت 2 تۇرعىن ءۇي كەشەنى سوناۋ 2013 جىلى پروبلەمالى دەپ تانىلدى. مۇندا 200-گە جۋىق وتباسى پاتەر كىلتىن كۇتىپ وتىر. «Future home» تۇرعىن ءۇي قۇرىلىسى دا 2013 جىلى باستالعان. نىسان وكق-عا بەرىلگەن كەزدە 4 جانە 7 قاباتتار سالىندى»، - دەپ جازدى ول Instagram پاراقشاسىندا.
اكىم كوپتەگەن جۇيەلى جۇمىستار اتقارىلىپ جاتقانىن ايتتى. بۇعان دەيىن مەملەكەت قولداۋىنىڭ ارقاسىندا 16 مىڭنان استام ۇلەسكەر وتباسىنىڭ 15,5 مىڭعا جۋىق ۇلەسكەر وتباسى پاتەر كىلتىن العان بولاتىن. 140-تان استام كوپجىلدىق تۇرعىن ءۇي كەشەندەرىنىڭ قۇرىلىسى اياقتالدى.
«مىسالى، 2023 جىلى قۇرىلىسى ۇزاققا سوزىلعان 32 تۇرعىن ءۇي كەشەنىن بولاتىن، وتكەن جىلى 22 ۇزاق مەرزىمدى تۇرعىن ءۇي كەشەنىنىڭ قۇرىلىسى اياقتالدى، بيىل 10 ءۇي قالدى، ولاردىڭ قۇرىلىسى وسى جىلدىڭ 1-2 توقسانىندا اياقتالادى. وسىلايشا، قالعان 500-گە جۋىق ۇلەسكەر وتباسى باسپانالى بولادى»، - دەپ تۇيىندەدى اكىم.
”ادىرنا” ۇلتتىق پورتالى
