جەلىدە ىشكى ىستەر مينيسترلىگىنە قاراستى «سۇڭقار» ارنايى جاساعىنىڭ قىزمەتكەرىنە شابۋىل جاسالدى دەگەن اقپارات تارادى. استانا قالالىق پوليتسيا دەپارتامەنتى بۇل وقيعاعا تۇسىنىكتەمە بەردى، دەپ حابارلايدى «ادىرنا» ءتىلشىسى.
پد مالىمەتىنشە، 21 جاستاعى ەر ادام اۆتوكولىك جۇرگىزۋشىسىنە اڭشىلىق مىلتىقتان وق اتىپ، كەيىن وقيعا ورنىنان قاشىپ كەتكەن.
«وقيعا ورنىنا پوليتسيا قىزمەتكەرلەرى جەدەل جەتتى. جۇرگىزىلگەن جەدەل-ىزدەستىرۋ شارالارى بارىسىندا كۇدىكتى ۇستالدى»، – دەلىنگەن حابارلامادا.
پوليتسيا جابىرلەنۋشىنىڭ قۇقىق قورعاۋ ورگاندارىنىڭ قىزمەتكەرى ەكەنىن راستادى.
«قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر. مىلتىق تاركىلەندى. جابىرلەنۋشى – قۇقىق قورعاۋ ورگاندارىنىڭ قىزمەتكەرى، ول وقيعا كەزىندە ەڭبەك دەمالىسىندا بولعان»، – دەپ ناقتىلادى پد.
تەرگەۋ مۇددەسىنە بايلانىستى باسقا اقپارات جاريا ەتىلمەيدى.
