Astanada ūzaq merzımdı qūrylys nysandary – 10 tūrǧyn üi keşenı aiaqtalady. Būl turaly elorda äkımı Jeŋıs Qasymbek aitty, dep habarlaidy “Adyrna” ūlttyq portaly.
Äkım «Arabi 2 - Granitnyi 2» tūrǧyn üi keşenı, «Arystan», 4-kvartal, «Future home» siiaqty ūzaq merzımdı qūrylys nysandarynyŋ qūrylys barysymen tanysty. «Būl tūrǧyn üi keşenderınıŋ 12 jylǧa juyq tarihy bar. Mäselen, Arabi 2 - Granit 2 tūrǧyn üi keşenı sonau 2013 jyly problemaly dep tanyldy. Mūnda 200-ge juyq otbasy päter kıltın kütıp otyr. «Future home» tūrǧyn üi qūrylysy da 2013 jyly bastalǧan. Nysan OKQ-ǧa berılgen kezde 4 jäne 7 qabattar salyndy», - dep jazdy ol Instagram paraqşasynda. Äkım köptegen jüielı jūmystar atqarylyp jatqanyn aitty. Būǧan deiın memleket qoldauynyŋ arqasynda 16 myŋnan astam ülesker otbasynyŋ 15,5 myŋǧa juyq ülesker otbasy päter kıltın alǧan bolatyn. 140-tan astam köpjyldyq tūrǧyn üi keşenderınıŋ qūrylysy aiaqtaldy. «Mysaly, 2023 jyly qūrylysy ūzaqqa sozylǧan 32 tūrǧyn üi keşenın bolatyn, ötken jyly 22 ūzaq merzımdı tūrǧyn üi keşenınıŋ qūrylysy aiaqtaldy, biyl 10 üi qaldy, olardyŋ qūrylysy osy jyldyŋ 1-2 toqsanynda aiaqtalady. Osylaişa, qalǧan 500-ge juyq ülesker otbasy baspanaly bolady», - dep tüiındedı äkım.”Adyrna” ūlttyq portaly
Ūqsas jaŋalyqtar
