الماتى اۋەجايىنىڭ بۇرىنعى پرەزيدەنتى ايبول بەكمۇحامبەتوۆ سەگىز جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساي وتىرىپ.
بەيسەنبى كۇنى الماتى سوتىندا بەكمۇحامبەتوۆكە قاتىستى 189-باپتىڭ 4-بولىگىنىڭ 2-تارماعى (سەنىپ تاپسىرىلعان بوتەننىڭ مۇلكىن يەمدەنۋ نەمەسە جىمقىرۋ) بويىنشا سوتتالعانى تۋرالى اقپارات راستالدى.
سونداي-اق اۆياتسيالىق جانار-جاعارماي قىزمەتىنىڭ بۇرىنعى باسشىسى قۋانىش تۇمىشەۆ سەگىز جىلعا باس بوستاندىعىنان ايىرىلدى.
سوت بەكمۇحامبەتوۆ پەن تۇمىشەۆتان الماتى اۋە ايلاعىنىڭ پايداسىنا 913 165 اقش دوللارى نەمەسە 417 891 698 تەڭگە كولەمىندە ماتەريالدىق شىعىندى بىرلەسىپ ءوندىرۋ تۋرالى شەشىم قابىلدادى.
كەلتىرىلگەن زالالدى ءوز ەركىمەن وتەۋگە 1 اي مەرزىم بەرىلەدى.
ايىپتالۋشىلار كىناسىن مويىندامادى، ال بەكمۇحامبەتوۆ ونىڭ قىلمىستىق قۋدالاۋىنىڭ تاپسىرىسپەن ورىندالعانىن جانە ونىڭ ارتىندا ەكس-پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆتىڭ سەرىكتەسى - اۋەجايدىڭ ديرەكتورلار كەڭەسىنىڭ بۇرىنعى مۇشەسى راۋشان ساعديەۆا تۇرعانىن اتاپ ءوتتى.
"ادىرنا" ۇلتتىق پورتالى
