بۇرىنعى مادەنيەت ءمينيسترى ارىستانبەك مۇحامەديۇلى مەن ونىڭ ايەلىنە قاتىستى سوت ۇكىمى شىقتى، دەپ حابارلايدى “ادىرنا” ۇلتتىق پورتالى.
بۇعان دەيىن 8 جىلعا سوتتالعان بۇرىنعى مادەنيەت مينيسترىنە تاعى 3 جىل قوسىلدى. سوت ۇكىمىمەن مۇحامەديۇلى 11 جىلعا سوتتالدى.
بەلگىلى بولعانداي، مۇحامەديۇلى جازاسىن جەڭىلدەتىپ، بوساپ شىعۋ ءۇشىن پارا بەرمەك بولعان.
سونداي-اق ەكس-ءمينيستردىڭ جۇبايى عاليا ىسقاقوۆا پاراقورلىققا دەلدالدىق جاساعانى ءۇشىن كىنالى دەپ تانىلىپ، ءومىر بويىنا مەملەكەتتىك قىزمەتتە جۇمىس ىستەۋىنە تىيىم سالىندى، سونداي-اق التى ايعا باس بوستاندىعىنان ايىرىلدى.
ال سوتتالۋشىنىڭ ادۆوكاتى مۇستاحىم تولەەۆ – الاياقتىق ءۇشىن 6 جىل 8 ايعا باس بوستاندىعىنان ايىرىلدى.
“ادىرنا” ۇلتتىق پورتالى
