اقتاۋدا مىسىقتىڭ باسىنا سەكىرىپ، اياۋسىز قورلىق كورسەتكەن قاتىگەز تۇرمەگە توعىتىلدى

3084
Adyrna.kz Telegram
اقتاۋدا مىسىقتىڭ باسىن اياعىمەن جانشىپ، جانۋارعا اسقان قاتىگەزدىك كورسەتكەن ازامات سوتتالدى. 2022 جىلعى 23 جەلتوقساندا سوت بۇل جاعدايعا قاتىستى قىلمىستىق ءىستى قاراپ، شەشىم شىعاردى، دەپ حابارلايدى "ادىرنا" ۇلتتىق پورتالى "Zakon.kz" پورتالىنا سىلتەمە كورسەتە وتىرىپ. 

سوتتالۋشى و. 2022 جىلعى 4 قازانىندا ساعات 22:00 شاماسىندا مىسىقتىڭ ۇستىنە قاساقانا سەكىرىپ، جانۋاردى جاراقاتتادى. كەيىن ونى جاقىن ماڭداعى ساياباققا لاقتىردى.

23 جەلتوقساندا اقتاۋ سوتى قك-ءنىڭ 5-تارماعىنىڭ 316-بابى 3-بولىگى جانۋارعا قاتىگەزدىك كورسەتىپ، ونىڭ مەرتىكتىرگەن ازاماتقا قاتىستى قىلمىستىق ءىستى قارادى.

پروكۋرور سوتتالۋشىعا 6 اي مەرزىمگە باس بوستاندىعىنان ايىرۋ جازاسىن بەرۋدى سۇرادى. ال سوتتالۋشى و.، كىناسىن تولىق مويىندادى جانە باس بوستاندىعىنان ايىرماۋدى ءوتىندى.

و. سوت ۇكىمىمەن قك-ءنىڭ 316-بابىنىڭ 5-تارماعىنىڭ 3-تارماعىندا كوزدەلگەن قىلمىس جاساعانى ءۇشىن كىنالى دەپ تانىلدى جانە وعان 6 اي مەرزىمگە باس بوستاندىعىن شەكتەۋ تۇرىندەگى جازا تاعايىندالدى. ۇكىم ءالى زاڭدى كۇشىنە ەنبەگەن، - دەپ جازىلعان حابارلامادا.

سوتتالۋشىنىڭ بارلىق كىناسى جاۋاپ الۋ حاتتاماسىمەن، بەينەكامەراعا جازىلعان ۆيدەومەن، ۆەتەرينار ماماننىڭ ساراپتاماسىمەن دالەلدەگەن.

سوت قىزمەتى سوتتالۋشىنىڭ كىناسىن مويىنداپ، ونىڭ شىن جۇرەكتەن وكىنگەنىن ەسكەرىپ، جازانى جەڭىلدەتكەن.

"ادىرنا" ۇلتتىق پورتالى

 

پىكىرلەر