بىلتىر ەكىباستۇزداعى جىلۋ ەلەكتر ورتالىعىندا بولعان اپاتقا قاتىستى سوت ۇكىمى شىقتى. سوت جەو، «ەكىباستۇزجىلۋەنەرگو» مەن «ەكىباستۇز جىلۋ جەلىلەرى» جشس باسشىلارىنا 2 جىل 6 ايعا باس بوستاندىعىن شەكتەۋ جازاسىن تاعايىندادى، دەپ حابارلايدى “ادىرنا” ۇلتتىق پورتالى.
ەكىباستۇزدىڭ وسى اتالعان كوممەرتسيالىق ۇيىمدارىنىڭ باسقارۋ فۋنكتسيالارىن ورىنداعان سوتتالۋشىلار 2022-2023 جىلدارداعى جىلىتۋ ماۋسىمىنا دايىندىق جۇمىستارىن تولىق قامتاماسىز ەتۋ بويىنشا ءتيىستى شارالاردى قولدانباعان، — دەلىنگەن سوتتىڭ ءباسپاسوز حابارلاماسىندا.
ەسكە سالايىق، بىلتىر قاراشادا مينۋس 25-30 گرادۋس قىتىمىر ايازدا ەكىباستۇز قالاسى تۇتاس جىلۋسىز قالعان ەدى. جەرگىلىكتى جىلۋ ەلەكتر ستانتسياسىندا قۇبىرلار اجىراپ، بىرنەشە اگرەگات ىستەن شىققان.
جەدەل شتاب قۇرىلىپ، وڭىردە توتەنشە جاعداي جاريالاندى. جوڭدەۋ جۇمىستارى 15 جەلتوقساندا ءبىر-اق اياقتالعان.
