Almaty áýejaıynyń burynǵy prezıdenti Aıbol Bekmuhambetov segiz jylǵa bas bostandyǵynan aıyryldy, dep habarlaıdy "Adyrna" ulttyq portaly QazTag-qa silteme jasaı otyryp.
Beısenbi kúni Almaty sotynda Bekmuhambetovke qatysty 189-baptyń 4-bóliginiń 2-tarmaǵy (Senip tapsyrylǵan bótenniń múlkin ıemdený nemese jymqyrý) boıynsha sottalǵany týraly aqparat rastaldy.
Sondaı-aq Avıaııalyq janar-jaǵarmaı qyzmetiniń burynǵy basshysy Qýanysh Tumyshev segiz jylǵa bas bostandyǵynan aıyryldy.
Sot Bekmuhambetov pen Tumyshevtan Almaty áýe aılaǵynyń paıdasyna 913 165 AQSh dollary nemese 417 891 698 teńge kóleminde materıaldyq shyǵyndy birlesip óndirý týraly sheshim qabyldady.
Keltirilgen zalaldy óz erkimen óteýge 1 aı merzim beriledi.
Aıyptalýshylar kinásin moıyndamady, al Bekmuhambetov onyń qylmystyq qýdalaýynyń tapsyryspen oryndalǵanyn jáne onyń artynda eks-prezıdent Nursultan Nazarbaevtyń kúıeý balasy Tımýr Qulybaevtyń seriktesi - áýejaıdyń Dırektorlar keńesiniń burynǵy múshesi Raýshan Saǵdıeva turǵanyn atap ótti.
"Adyrna" ulttyq portaly
