كاسىپكەرلەردىڭ اقشانى تەك قولما-قول قابىلداۋ تۋرالى تالابىنا قاتىستى قازاقستاندىقتاردىڭ شاعىمدارىنا قارجى مينيسترلىگىنىڭ مەملەكەتتىك كىرىستەر كوميتەتى تۇسىنىكتەمە بەردى، دەپ حابارلايدى "ادىرنا" ۇلتتىق پورتالى Tengrinews سايتىنا سىلتەمە جاساپ.
جاڭا جىلدىڭ 1 قاڭتارىنان باستاپ بارلىق قازاقستاندىقتاردىڭ ءموبيلدى اۋدارىمدارىن تەكسەرۋ باستالدى. ال ازاماتتار كاسىپكەرلەردىڭ تاۋارلار مەن قىزمەتتەردى ساتۋ ءۇشىن ونلاين تولەمدەردى قابىلداۋدان باس تارتىپ، قولما-قول اقشا تالاپ ەتىپ جاتقانىنا شاعىمدانۋدا.
وسى ماسەلەگە قاتىستى قارجى مينيسترلىگىنىڭ مەملەكەتتىك كىرىستەر كوميتەتى تۇسىنىكتەمە بەردى.
"تولەمدى قابىلداۋدان باس تارتۋ زاڭسىز بولىپ تابىلادى، ويتكەنى "تولەمدەر جانە تولەم جۇيەلەرى تۋرالى" قازاقستان رەسپۋبليكاسى زاڭىنىڭ نورمالارىندا تولەمنىڭ ءارتۇرلى تاسىلدەرى كوزدەلگەن - بانك كارتاسى، QR نەمەسە قولما-قول اقشا ارقىلى (25-باپ). كاسىپكەرلەردىڭ تولەم كارتوچكالارىن پايدالانا وتىرىپ تولەمدەردى قابىلداۋدان باس تارتقانى ءۇشىن اكىمشىلىك جاۋاپكەرشىلىك قاراستىرىلعان، ءبىرىنشى رەت - ەسكەرتۋ، قايتالاپ بۇزعان جاعدايدا - 40 اەك نەمەسە 147 680 تەڭگە كولەمىندە ايىپپۇل", - دەپ جاۋاپ بەردى مكك ءباسپاسوز قىزمەتى.
"ادىرنا" ۇلتتىق پورتالى
