2023 جىلدىڭ 28 جەلتوقسانىندا الماتىدا الماتى وبلىسىنىڭ اكىمدىگى مەن ينۆەستورلار توبى اراسىندا Oi-Qaragai كۋرورتىن دامىتۋ جوباسىن قولداۋ جانە قاجەتتى جاعدايلار جاساۋ تۋرالى رەسمي مەموراندۋمعا قول قويىلدى.
تارتىلعان ينۆەستيتسيا كولەمى 2028 جىلعا دەيىن كەزەڭ-كەزەڭىمەن ىسكە اسىرىلعان جاعدايدا 58 ملرد تەڭگەدەن استام. الداعى 5 جىلدا كۋرورتتىڭ كەڭەيۋىنە بايلانىستى الماتى وبلىسىنىڭ تۇرعىندارىن جۇمىسپەن قامتۋ باسىمدىلىعىمەن قوسىمشا 550-دەن استام جاڭا جۇمىس ورىندارىن قۇرۋ جوسپارلانۋدا. ەل بيۋدجەتىنە تۇسەتىن سالىق تۇسىمدەرى جىلىنا قوسىمشا 1,6 ميلليارد تەڭگەدەن اسادى.
مەموراندۋمنىڭ تاقىرىبى سەرىكتەستىك ورناتۋ جانە «اقتاس ۇستىرتىندەگى Oi-Qaragai تاۋ كۋرورتىن كەڭەيتۋ» جوباسىن ىسكە اسىرۋ ءۇشىن قاجەتتى ءىس-شارالاردى انىقتاۋ بولىپ تابىلادى. كەزەڭدى دامىتۋ اياسىندا گوندولدى جانە كرەسلو ءتيپتىاسپالى جولداردى سالۋ، شاڭعى تراسسالارىنىڭ ۇزىندىعىن 55 شاقىرىمعا دەيىن كەڭەيتۋ, شاڭعى تراسسالارىن، پاراپلاندار مەن گلەمپينگ الاڭدارىن، ينفراقۇرىلىمدىق عيماراتتاردى، مەيرامحانالاردى، كولدەردى جانە ەتنوقالاشىقتى الەمنىڭ تۇكپىر-تۇكپىرىنەن كەلگەن قوناقتارءۇشىن جابدىقتاۋ جوسپارلانۋدا..
الماتى وبلىسىنىڭ اكىمدىگى ءوز تاراپىنان مەموراندۋمدا 3 نەگىزگى باعىتتا جوبانى ىسكە اسىرۋ بويىنشا مەملەكەتتىك قولداۋ شارالارىنىڭ تىزبەسىن بەلگىلەدى:
1. ينجەنەرلىك ينفراقۇرىلىم:
1.1. 2025 جىلدىڭ ماۋسىمىنا دەيىن قۋاتتىلىعى 15 مۆت قوسىمشا ەلەكترمەن جابدىقتاۋ.
1.2. 2025 جىلدىڭ ماۋسىم ايىنا دەيىن ۇزىندىعى 1,7 شاقىرىم, كولەمى جىلىنا 100 مىڭ تەكشە مەتر اقتاس قىراتىنىڭ باۋرايىندا جاساندى قار جامىلعىسىنا سۋ بەرۋ جانە 2025 جىلدىڭ ساۋىرىنە دەيىن كۇنىنە 700 تەكشە مەتر كولەمدەگى شارۋاشىلىق قاجەتتىلىكتەرىن قامتاماسىز ەتۋ.
1.3. 2025 جىلدىڭ ساۋىرىنە دەيىن وتكىزۋ قابىلەتىن ساعاتىنا 1000 تەكشە مەترگە دەيىن ارتتىرا وتىرىپ، گاز قۇبىرىنىڭ ۋچاسكەسىن قايتا قۇرۋ.
2. كولىك ينفراقۇرىلىمى:
2.1. 2025 جىلدىڭ جەلتوقسانىنا دەيىن بايبۇلاق اۋىلى – Oi-Qaragai جۇك-جولاۋشى تاس جولىنىڭ قۇرىلىسى
2.2. تالعار تراكتىسى – Oi-Qaragai جولىن جارىقتاندىرۋمەن، سونداي-اق وتكىزۋ قابىلەتىن 2026 جىلدىڭ جەلتوقسانىنا دەيىن ارتتىرۋمەن 2 ساناتقا اۋىستىرۋ.
3. اكىمشىلىك قولداۋ:
3.1. ينۆەستيتسيالىق كەلىسىم-شارت جاساسۋ
3.2. ماقساتى بويىنشا پايدالانىلمايتىن جەر ۋچاسكەلەرىن الىپ قويۋ جانە ولاردى ساۋدا-ساتتىققاقويۋ.
3.3. تۋريستىك وبەكتىلەردى سالۋ جانە رەكونسترۋكتسيالاۋ كەزىندە كاسىپكەرلىك سۋبەكتىلەرى شىعىندارىنىڭ ءبىر بولىگىن وتەۋ، ونىڭ ىشىندە جابدىقتى ساتىپ الۋعا كەتكەن شىعىنداردى وتەۋ بولىگىندە قاعيدالارعا وزگەرىستەر/تولىقتىرۋلار ەنگىزۋگە جاردەمدەسۋ.
3.4. 2021 - 2025 جىلدارعا ارنالعان ۇلتتىق كاسىپكەرلىكتى دامىتۋ جوباسى اياسىندا نەسيەلەردى سۋبسيديالاۋ، سالىقتىق دەمالىستار جانە باسقا دا شارالار تۇرىندەگى جوسپارلاۋدى قولداۋ.
3.5. ايماقتىق كومەك: اكىمدىك ايماقتىق دەڭگەيدە مەملەكەتتىك قولداۋ شارالارىن الۋعا قولداۋ كورسەتەدى.
سونداي-اق قول قويىلعان مەموراندۋم تاراپتاردىڭ قازاقستان رەسپۋبليكاسى سىرتقى ىستەر مينيسترلىگىنىڭ ينۆەستيتسيالار كوميتەتىمەن ينۆەستيتسيالىق كەلىسىم-شارت جاساسۋدى جوسپارلاۋ نيەتىن راستايدى.
Басқалармен бөлісе отырыңыз
