الماتى وبلىسىندا تۋريستىك اقپاراتتىق ورتالىق جۇمىس جاسايدى. سونىڭ ىشىندە ەڭ باستىسى «Visit Alatau» ورتالىعى. وبلىستىق تۋريزم باسقارماسىنىڭ باستاماسىمەن قۇرىلعان ورتالىقتىڭ نەگىزگى مىندەتى- ءتۋريزمنىڭ الەۋەتىن ارتتىرۋ.
ايماقتاعى ايشىقتى جەرلەر تۋرالى اقپارات بەرۋگە نەگىزدەلگەن ۇيىمدا كەلۋشىلەردىڭ كادەسىنە جارايتىن ماعۇلماتتار تولىق قامتىلعان. قالالاردىڭ تۋريستىك مارشرۋتتاردىڭ جانە ۇلتتىق پاركتەردىڭ كارتالارىن ءدال وسى جەردەن تابۋعا بولادى. كورىكتى جەرلەر جايلى ەگجەي-تەگجەيلى جازىلعان مالىمەتتەردە وسىندا.
«Visit Alatau» -دان بولەك، «Charyn» ۆيزيت-ورتالىعى بار. 2023 جىلى جۇمىسىن باستاعان ورتالىق شارىن شاتقالىندا ورنالاسقان. مۇندا گيدتىڭ كومەگىنە جۇگىنۋگە بولادى، ناتيجەسىندە تۋريستەر ايماق تۋرالى تولىق اقپاراتقا قانىعا الادى. جانە «Batan» جانە «Turgensai» وراتىقتارى جايلى ايتپاسقا بولماس. ىلە-الاتاۋ ۇلتتىق پاركىندە ورنالاسقان ۆيزيت-ورتالىقتار كەلۋشىلەردى ۇلتتىق ساياباقپەن تانىستىرۋ جانە ىلە-الاتاۋ ۇلتتىق پاركىنىڭ تۇرگەن شاتقالىنىڭ تابيعي ورىندارى بويىنشا ساياحاتتاۋدىڭ باستاپقى نۇكتەسى رەتىندە جۇمىس ىستەۋ ماقساتىندا قۇرىلدى. ورتالىعى تابيعي ەسكەرتكىشتەرگە باي الماتىدان 80 شاقىرىم جەردە ورنالاسقان اسەم تۇرگەن شاتقالىندا ورنالاسقان.
ورتالىقتان تىكەلەي بيىكتىگى 30 مەتر بولاتىن «ايۋلى» سارقىراماسىنا دەيىن جاياۋ جۇرۋگە بولادى. ۇزىندىعى 1,3 شاقىرىم بولاتىن بۇل تۋريستىك سوقپاق الەۋمەتتىك جانە بارلىق ساناتتاعى ادامدار ءۇشىن قولجەتىمدى تۋريستىك مارشرۋت بولىپ تابىلادى.
سونىمەن قاتار، تۇرگەن شاتقالى اۆتوجولىنىڭ بويىندا پايدالى مينەرالدارعا باي سۋىق نەگىزگى سۋى بار بەس بۇلاق، سونداي-اق جەر قويناۋىنان سوعاتىن ىستىق رادون بۇلاقتارى بار.
Turgensai كەشەنىنىڭ اۋماعىنان ءدارىس زالى، كادەسىي دۇكەنى، تاماقتانۋ ورنى، ويىن الاڭى جانە تەرراسسالاردى كورۋگە بولامدى.
