Алматы облысының әкімдігі туризмді дамытуға ірі инвестициялар тартты
Алматы облысының әкімдігі туризмді дамытуға ірі инвестициялар тартты
03.01.2024
9653
2023 жылдың 28 желтоқсанында Алматыда Алматы облысының әкімдігі мен Инвесторлар тобы арасында Oi-QaragaiКурортын дамыту жобасын қолдау және қажетті жағдайлар жасау туралы ресми Меморандумға қол қойылды.
Тартылған инвестиция көлемі 2028 жылға дейін кезең-кезеңімен іске асырылған жағдайда 58 млрд теңгеден астам. Алдағы 5 жылда Курорттың кеңеюіне байланысты Алматы облысының тұрғындарын жұмыспен қамту басымдылығымен қосымша 550-ден астам жаңа жұмыс орындарын құру жоспарлануда. Ел бюджетіне түсетін салық түсімдері жылына қосымша 1,6 миллиард теңгеден асады.
Меморандумның тақырыбы серіктестік орнату және «Ақтас үстіртіндегі Oi-Qaragai тау Курортын кеңейту» жобасын іске асыру үшін қажетті іс-шараларды анықтау болып табылады. Кезеңді дамыту аясында гондолды жәнекресло типтіаспалы жолдарды салу, шаңғы трассаларының ұзындығын 55 шақырымға дейін кеңейту, шаңғы трассаларын, парапландар мен глэмпинг алаңдарын, инфрақұрылымдық ғимараттарды, мейрамханаларды, көлдерді және этноқалашықтыәлемнің түкпір-түкпірінен келген қонақтарүшін жабдықтау жоспарлануда..
Алматы облысының әкімдігі өз тарапынан Меморандумда 3 негізгі бағытта жобаны іске асыру бойынша мемлекеттік қолдау шараларының тізбесін белгіледі:
1. Инженерлік инфрақұрылым:
1.1. 2025 жылдың маусымына дейін қуаттылығы 15 мВт қосымша электрмен жабдықтау.
1.2. 2025 жылдың маусым айына дейін ұзындығы 1,7 шақырым, көлемі жылына 100 мың текше метр Ақтас қыратының баурайында жасанды қар жамылғысына су беру және 2025 жылдың сәуіріне дейін күніне 700 текше метр көлемдегі шаруашылық қажеттіліктерін қамтамасыз ету.
1.3. 2025 жылдың сәуіріне дейін өткізу қабілетін сағатына 1000 текше метрге дейін арттыра отырып, газ құбырының учаскесін қайта құру.
2. Көлік инфрақұрылымы:
2.1. 2025 жылдың желтоқсанына дейін Байбұлақ ауылы – Oi-Qaragai жүк-жолаушы тас жолының құрылысы
2.2. Талғар трактісі – Oi-Qaragai жолын жарықтандырумен, сондай-ақ өткізу қабілетін 2026 жылдың желтоқсанына дейін арттырумен 2 санатқа ауыстыру.
3. Әкімшілік қолдау:
3.1. Инвестициялық келісім-шарт жасасу
3.2. Мақсаты бойынша пайдаланылмайтын жер учаскелерін алып қою және оларды сауда-саттыққақою.
3.3. Туристік объектілерді салу және реконструкциялау кезінде кәсіпкерлік субъектілері шығындарының бір бөлігін өтеу, оның ішінде жабдықты сатып алуға кеткен шығындарды өтеу бөлігінде Қағидаларға өзгерістер/толықтырулар енгізуге жәрдемдесу.
3.4. 2021 - 2025 жылдарға арналған ұлттық кәсіпкерлікті дамыту жобасы аясында несиелерді субсидиялау, салықтық демалыстар және басқа да шаралар түріндегі жоспарлауды қолдау.
3.5. Аймақтық көмек: Әкімдік аймақтық деңгейде мемлекеттік қолдау шараларын алуға қолдау көрсетеді.
Сондай-ақ қол қойылған Меморандум Тараптардың Қазақстан Республикасы Сыртқы істер министрлігінің Инвестициялар комитетімен инвестициялық келісім-шарт жасасуды жоспарлау ниетін растайды.
