الماتى وبلىسى تۋريزم باسقارماسىنىڭ ۇيىمداستىرۋىمەن وڭىردەگى كورىكتى مەكەندەرگە ءباسپاسوز-تۋرى ءوتتى. شاراعا، رەسپۋبليكالىق جانە وبلىستىق باق وكىلدەرى مەن بلوگەرلەر قاتىستى. ەكى كۇنگە جوسپارلانعان ساياحاتتىڭ العاشقى ايالداماسى قوناەۆتاعى ءنومىرى بەسىنشى قالالىق جاعاجاي بولدى.
جاز مەزگىلىندە تاپتىرماس دەمالىس ورنى سانالاتىن جاعاجايدا بۇگىندە قۇرىلىس جۇمىستارى جۇرگىزىلۋدە. شامامەن، اۋماعى 25 مىڭ شارشى مەتر.
قازىرگى تاڭدا بۇل ماڭعا كۇننەن قورعايتىن شاتىرلاردىڭ قاڭقالارى ورنالاستىرىلعان.
جاعاجاي ىشىنە جاياۋ جۇرگىنشىلەر جولعى، كۇرە جول سالىنعان. 4 مىڭنان استام شارشى مەتر جەرگە گازون ەگىلەدى دەپ جوسپارلانعان. سونىمەن قاتار، سول ماڭايعا 127 بىرلىك شام ورناتىلاتىن بولادى.
قالالىق جاعاجايدىڭ جوندەۋ جۇمىستارىنا «Urban Complete» جشس كومپانياسى جاۋاپتى. قۇرىلىس جۇمىستارىنا قازىنادان 874 ملن. تەڭگە كوزدەلگەن.
ايتا كەتەيىك، مۇندا سپورتپەن اينالىسۋ، دەمالۋ، ويىن ويناۋ، كۇننەن قورعانۋ، شومىلۋ ءۇشىن بار جاعداي قاراستىرىلعان.
