نەگىزى قازاقستانداعى بولۋى مۇمكىن وزگەرىستى ەكى ستسەناريگە ءبولىپ قاراستىرۋعا بولادى. ءبىرىنشىسى، كادرلىق جانە مەملەكەتتى باسقارۋداعى ءىشىنارا مەنەدجمەنتتىك وزگەرىستەر جاساۋ، ساياسي جۇيەنى ءسال دە بولسىن تۇرلەندىرۋ، ەلدىڭ ءوز ويىن ايتۋىنا جاڭا پلاتفورمالار قۇرۋ، ءبىردى-ەكىلى جاڭا ساياسي پارتيالاردىڭ قۇرىلىپ، كەيبىر پارتيالاردى تۇرلەندىرىپ، سايلاۋ مەن باق تۋرالى جاڭا زاڭ قابىلداپ كوسمەتيكالىق رەفورما جاساۋ.
ەكىنشىسى، سيستەمانى وزگەرتەتىن تۇبەگەيلى، كۇردەلى وزگەرىستەر قادامىن قولعا الۋ. مەنىڭ ويىمشا كۇردەلى وزگەرىستەر بولۋى ءۇشىن ەلباسى مەن ونىڭ وتباسى تولىق ساياساتتان كەتۋى قاجەت. سەنات جويىلىپ، ماجىلىسكە باسەكەلى ساياسي جۇيەدە xالىق داۋسىن يەلەنگەن ساياسي پارتيالار كەلۋى كەرەك. قازىرگى جۇيە تۇرعاندا ماجىلىسكە ءبىردى-ەكىلى جاڭا پارتيالاردىڭ كەلۋى ەشتەڭە شەشپەيدى. بىراق، xالىقتى 5-6 جىل الداي تۇرۋعا جارايدى. پم سول پارلامەنتتىك سايلاۋدا جەڭگەن ساياسي پارتيا جەتەكشىسىنەن سايلانۋى شارت. مينيسترلەر كابينەتىن دە سايلاۋدا جەڭگەن پارتيا جاساقتاۋى كەرەك. ساۋاتتى، بىلىكتى وپپوزيتسيا بيلىك پارتياسىنىڭ ءاربىر قادامىن ءجىتى باقىلاپ، كەلەسى سايلاۋدا xالىق داۋسىن كوبىرەك الىپ، بيلىككە كەلۋگە جۇمىس ىستەيتىن تولىققاندى باسەكەلى ساياسي جۇيە ورناۋى شارت.
مەنىڭ ويىمشا قازاقستان جوعارىدا اتالعان ءبىرىنشى جولدى - كوسمەتيكالىق رەفورما مەن وزگەرىستەردى تاڭدايدى. وعان بىرنەشە سەبەپتەر بار. ءبىرىنشىسى، ەلباسى ينستيتۋتى وتە كۇشتى. اشىعىن ايتقاندا ەلدى سول كىسى باسقارىپ وتىر. الداعى 4-5 جىلدا توقاەۆ قالاسا دا (قالايتىنىنا كۇمانىم بار) بيلىكتى تولىق قولىنا الا المايدى. 30 جىلعى ينەرتسيانىڭ كۇشىن توقتاتۋ قولىنان كەلەتىن ليدەردى مەن ول كىسىنىڭ بويىنان كورىپ تۇرعانىم جوق. ەكىنشىسى، xالىقتىڭ ساياسي مادەنيەتى مەن وي-ءورىسى كۇردەلى ساياسي رەفورما جاساۋدى تالاپ ەتەتىن دەڭگەيدە ەمەس. قوعام ءالى ليدەر ىزدەپ ءجۇر. ول ليدەردى قازىرگى ساياسي جۇيە شىعارمايدى. بۇگىنگى كەيبىر ەل سەنگەن قوعام بەلسەندىلەرىنىڭ ۇسىنىپ وتىرعان رەفورما جولدارىنىڭ ماعىناسى دا كوسمەتيكالىق رەفورما سيپاتىندا. ازاماتتىق قوعام جەتكىلىكتى دارەجەدە بەلسەندى بولىپ، وسى ەلدىڭ ەگەسى ءوزى ەكەنىن سەزىنىپ، وركەنيەتتى يدەيانىڭ توڭىرەگىندە توپتاسۋى ۋاقىتتى تالاپ ەتەدى.
باۋىرجان سەرىكباەۆ
"ادىرنا" ۇلتتىق پورتالى
