Qazirgi saıasatpen halyqty 5-6 jyl aldaýǵa jaraıdy

191

Negizi Qazaqstandaǵy bolýy múmkin ózgeristi eki senarııge bólip qarastyrýǵa bolady. Birinshisi, kadrlyq jáne memleketti basqarýdaǵy ishinara menedjmenttik ózgerister jasaý, saıası júıeni sál de bolsyn túrlendirý, eldiń óz oıyn aıtýyna jańa platformalar qurý, birdi-ekili jańa saıası partııalardyń qurylyp, keıbir partııalardy túrlendirip, saılaý men BAQ týraly jańa zań qabyldap kosmetıkalyq reforma jasaý.

Ekinshisi, sıstemany ózgertetin túbegeıli, kúrdeli ózgerister qadamyn qolǵa alý. Meniń oıymsha kúrdeli ózgerister bolýy úshin Elbasy men onyń otbasy tolyq saıasattan ketýi qajet. Senat joıylyp, Májiliske básekeli saıası júıede xalyq daýsyn ıelengen saıası partııalar kelýi kerek. Qazirgi júıe turǵanda Májiliske birdi-ekili jańa partııalardyń kelýi eshteńe sheshpeıdi. Biraq, xalyqty 5-6 jyl aldaı turýǵa jaraıdy. PM sol Parlamenttik saılaýda jeńgen saıası partııa jetekshisinen saılanýy shart. Mınıstrler kabınetin de saılaýda jeńgen partııa jasaqtaýy kerek. Saýatty, bilikti oppozıııa bılik partııasynyń árbir qadamyn jiti baqylap, kelesi saılaýda xalyq daýsyn kóbirek alyp, bılikke kelýge jumys isteıtin tolyqqandy básekeli saıası júıe ornaýy shart.

Meniń oıymsha Qazaqstan joǵaryda atalǵan birinshi joldy - kosmetıkalyq reforma men ózgeristerdi tańdaıdy. Oǵan birneshe sebepter bar. Birinshisi, Elbasy ınstıtýty óte kúshti. Ashyǵyn aıtqanda eldi sol kisi basqaryp otyr. Aldaǵy 4-5 jylda Toqaev qalasa da (qalaıtynyna kúmánim bar) bılikti tolyq qolyna ala almaıdy. 30 jylǵy ınerııanyń kúshin toqtatý qolynan keletin lıderdi men ol kisiniń boıynan kórip turǵanym joq. Ekinshisi, xalyqtyń saıası mádenıeti men oı-órisi kúrdeli saıası reforma jasaýdy talap etetin deńgeıde emes. Qoǵam áli lıder izdep júr. Ol lıderdi qazirgi saıası júıe shyǵarmaıdy. Búgingi keıbir el sengen qoǵam belsendileriniń usynyp otyrǵan reforma joldarynyń maǵynasy da kosmetıkalyq reforma sıpatynda. Azamattyq qoǵam jetkilikti dárejede belsendi bolyp, osy eldiń egesi ózi ekenin sezinip, órkenıetti ıdeıanyń tóńireginde toptasýy ýaqytty talap etedi.

Baýyrjan Serikbaev

"Adyrna" ulttyq portaly

Pikirler