اتىراۋ قالاسىندا ورتالىققا جاقىن ماڭدا جايىق جاعالاۋىندا قىز بالا مۇز ويىلىپ، سۋعا ءتۇسىپ كەتكەن. بۇل تۋرالى Polisia.kz جاريالادى،دەپ حابارلايدى “ادىرنا” ۇلتتىق پورتالى.
اقپاراتقا سايكەس، حابارلاما تۇسكەن ساتتە پاترۋلدىك پوليتسيا باتالونىنىڭ قىزمەتكەرلەرى عاپۋ جانارىس، ارسەن مۇراتوۆ، قۇرمانعازى مەرەي جانە اكىمشىلىك پوليتسيا ءبولىمى ينسپەكتورى ارمانبەك عابيتوۆ دەرەۋ وقيعا ورنىنا جەتكەن.
مۇز ويىعىنان باسى عانا كورىنگەن ادامنىڭ ايەل ادام ەكەنىن داۋىسىنان عانا ايىرعان پوليتسەيلەر بىردەن قۇتقارۋعا كىرىسكەن.
«اتىراۋلىق پوليتسەيلەر مۇز ويىعىنان سۋعا ءتۇسىپ كەتكەن ءجاسوسپىرىمدى قۇتقاردى.
توسىننان ادام ومىرىنە اراشا تۇسكەن پوليتسەيلەردىڭ قىراعىلىعى مەن ەپتىلىگى ناتيجەسىندە ءجاسوسپىرىم جاعاعا شىعارىلىپ، جەدەل جاردەممەن اۋرۋحاناعا جەتكىزىلدى. وسىلايشا اتىراۋلىق پوليتسەيلەر مۇز ويىعىنان سۋعا ءتۇسىپ كەتكەن ءجاسوسپىرىمدى قۇتقاردى»، دەلىنگەن حابارلامادا.
جەدەل-تەرگەۋ توبى ءتيىستى شارالاردى باستاپ كەتتى.
