Atyrau qalasynda ortalyqqa jaqyn maŋda Jaiyq jaǧalauynda qyz bala mūz oiylyp, suǧa tüsıp ketken. Būl turaly Polisia.kz jariialady,dep habarlaidy “Adyrna” ūlttyq portaly.
Aqparatqa säikes, habarlama tüsken sätte patruldık polisiia batalonynyŋ qyzmetkerlerı Ǧapu Janarys, Arsen Mūratov, Qūrmanǧazy Merei jäne äkımşılık polisiia bölımı inspektory Armanbek Ǧabitov dereu oqiǧa ornyna jetken.
Mūz oiyǧynan basy ǧana körıngen adamnyŋ äiel adam ekenın dauysynan ǧana aiyrǧan poliseiler bırden qūtqaruǧa kırısken.
«Atyraulyq poliseiler mūz oiyǧynan suǧa tüsıp ketken jasöspırımdı qūtqardy.
Tosynnan adam ömırıne araşa tüsken poliseilerdıŋ qyraǧylyǧy men eptılıgı nätijesınde jasöspırım jaǧaǧa şyǧarylyp, jedel järdemmen auruhanaǧa jetkızıldı. Osylaişa atyraulyq poliseiler mūz oiyǧynan suǧa tüsıp ketken jasöspırımdı qūtqardy», delıngen habarlamada.
Jedel-tergeu toby tiıstı şaralardy bastap kettı.
