بىشكەكتەگى باس الاڭدا قىرعىزستاننىڭ جاڭارتىلعان تۋى كوتەرىلدى. بۇل تۋرالى Sputnik كىرگىزستان جازدى، دەپ حابارلايدى، “ادىرنا” ۇلتتىق پورتالى.
قىرعىزستان پرەزيدەنتى سادىر جاپاروۆ قىرعىزستاندا جاڭا تۋ ىلىنگەن كەزدە ەسكى تۋعا دا ۇقىپتىلىقپەن قاراۋ تالاپتارى كۇشىندە بولاتىنىن اتاپ وتكەن. ول مەملەكەتتىك ءرامىزدى وزگەرتۋ ونىڭ جەكە باستاماسى ەكەنىن دە ايتتى.
«جۇمىس ساپارىنىڭ اياسىندا 30-عا جۋىق ەلدە بولدىم. شەتەلدىك دەلەگاتتارمەن كەزدەسۋلەردە مەنەن بەس رەت تۋ تۋرالى سۇراعان شىعار. ولار: ء"سىزدىڭ رەسپۋبليكاڭىزدىڭ باسىمدىعى نەدە؟ سىزدەر اۋىلشارۋاشىلىققا باسىمدىق بەرەتىن ەلسىزدەر مە؟" دەيدى»، - دەدى قىرعىزستان پرەزيدەنتى.
ەسكە سالساق، جەلتوقسان ايىندا سادىر جاپاروۆ ەل تۋىن جاقسارتۋ ماقساتىندا قابىلدانعان «قىرعىز رەسپۋبليكاسىنىڭ مەملەكەتتىك رامىزدەرى تۋرالى» زاڭعا ەنگىزىلگەن وزگەرىستەرگە قول قويدى. تۋداعى كۇن ساۋلەسىنىڭ ءپىشىنى وزگەرگەن ەدى.
