Bishkektegi bas alańda Qyrǵyzstannyń jańartylǵan týy kóterildi. Bul týraly Sputnik Kyrgyzstan jazdy, dep habarlaıdy, “Adyrna” ulttyq portaly.
Qyrǵyzstan prezıdenti Sadyr Japarov Qyrǵyzstanda jańa tý ilingen kezde eski týǵa da uqyptylyqpen qaraý talaptary kúshinde bolatynyn atap ótken. Ol memlekettik rámizdi ózgertý onyń jeke bastamasy ekenin de aıtty.
«Jumys saparynyń aıasynda 30-ǵa jýyq elde boldym. Sheteldik delegattarmen kezdesýlerde menen bes ret tý týraly suraǵan shyǵar. Olar: "Sizdiń respýblıkańyzdyń basymdyǵy nede? Sizder aýylsharýashylyqqa basymdyq beretin elsizder me?" deıdi», - dedi Qyrǵyzstan prezıdenti.
Eske salsaq, jeltoqsan aıynda Sadyr Japarov el týyn jaqsartý maqsatynda qabyldanǵan «Qyrǵyz Respýblıkasynyń memlekettik rámizderi týraly» zańǵa engizilgen ózgeristerge qol qoıdy. Týdaǵy kún sáýlesiniń pishini ózgergen edi.
