بوكستان قازاقستان ۇلتتىق قۇراماسىنىڭ وكىلى، 2023 جىلعى الەم چەمپيونى سانجار تاشكەنباي ۇلتتىق ۇلان ساپىندا وتان الدىنداعى بورىشىن وتەيدى، دەپ حابارلايدى «ادىرنا» ۇلتتىق پورتالى.
5571 اسكەري ءبولىمىنىڭ پاراد الاڭىندا بارلىق وبلىستار مەن رەسپۋبليكالىق ماڭىزى بار قالالاردان اسكەري بورىشىن وتەۋگە كەلگەن 700-گە جۋىق جاس ساربازدىڭ سالتاناتتى انت قابىلداۋ ءراسىمى ءوتتى. جاۋىرگەرلەر قاتارىندا سانجار تاشكەنباي دا بار.
«اسكەر – جاس جىگىتكە كوپ نارسە بەرەتىن ناعىز ءومىر مەكتەبى. مەن ءۇشىن، بوكسشى رەتىندە بۇل وتە ماڭىزدى. ۇلتتىق ۇلان قاتارىنا شاقىرىلعانىمدى ماقتان تۇتامىن. مەن ابىرويمەن قىزمەت اتقارىپ، اسكەري ءبولىمنىڭ تۋىن جوعارى ۇستايمىن»، - دەدى قاتارداعى جاۋىنگەر تاشكەنباي.
سانجار تاشكەنباي بوكستان 2021 جىلعى جاستار اراسىنداعى الەم چەمپيوناتىنىڭ جانە 2021 جىلعى جاستار اراسىنداعى ازيا چەمپيوناتىنىڭ جەڭىمپازى.
2023 جىلدىڭ مامىر ايىندا 48 كەلىگە دەيىنگى سالماقتا ونەر كورسەتىپ، تاشكەنتتە وتكەن الەم چەمپيوناتىندا قازاقستانعا العاشقى التىندى اكەلدى.
«ادىرنا» ۇلتتىق پورتالى
