Bokstan Qazaqstan ulttyq quramasynyń ókili, 2023 jylǵy álem chempıony Sanjar Tashkenbaı Ulttyq ulan sapynda Otan aldyndaǵy boryshyn óteıdi, dep habarlaıdy «Adyrna» ulttyq portaly.
5571 áskerı bóliminiń parad alańynda barlyq oblystar men respýblıkalyq mańyzy bar qalalardan áskerı boryshyn óteýge kelgen 700-ge jýyq jas sarbazdyń saltanatty ant qabyldaý rásimi ótti. Jaýyrgerler qatarynda Sanjar Tashkenbaı da bar.
«Ásker – jas jigitke kóp nárse beretin naǵyz ómir mektebi. Men úshin, boksshy retinde bul óte mańyzdy. Ulttyq ulan qataryna shaqyrylǵanymdy maqtan tutamyn. Men abyroımen qyzmet atqaryp, áskerı bólimniń týyn joǵary ustaımyn», - dedi qatardaǵy jaýynger Tashkenbaı.
Sanjar Tashkenbaı bokstan 2021 jylǵy jastar arasyndaǵy álem chempıonatynyń jáne 2021 jylǵy jastar arasyndaǵy Azııa chempıonatynyń jeńimpazy.
2023 jyldyń mamyr aıynda 48 kelige deıingi salmaqta óner kórsetip, Tashkentte ótken álem chempıonatynda Qazaqstanǵa alǵashqy altyndy ákeldi.
«Adyrna» ulttyq portaly
