قۋاندىق بيشىمباەۆتىڭ ەكس-جۇبايى نازىم بيشىمباەۆا نۇكەنوۆانىڭ ولىمىنە قاتىستى پىكىرىن ايتتى، دەپ حابارلايدى "ادىرنا" ءتىلشىسى.
ەكس-مينيستر قۋاندىق بيشىمباەۆتىڭ ءبىرىنشى ايەلى نازىم بيشىمباەۆا Instagram پاراقشاسىندا سالتانات نۇكەنوۆانىڭ ءولىمى تۋرالى جازبا جاريالادى.
"ۇنسىزدىكتى توقتاتايىن دەپ ۇيعاردىم. سالتاناتتىڭ قايعىعا ۇشىراتقان ولىمىنەن 40 كۇننەن اسا ۋاقىت ءوتتى. وزىمە دە، بالالارىما دا بولعان وقيعانى ءتۇسىنۋ ءۇشىن، سانامدا قورىتۋ ءۇشىن ۋاقىت كەرەك. بالالارىمىزبەن سالتاناتتىڭ تۋىستارىنا شىن كوڭىلدەن قايعىرىپ كوڭىل ايتامىز", - دەپ جازعان.
بۇرىنعى ءمينيستردىڭ ءبىرىنشى ايەلى مارقۇم نۇكەنوۆامەن جەكە تانىس بولماعانىن ايتادى. دەگەنمەن نازىمنىڭ بالالارى سالتاناتتى جارقىن ءجۇزدى، قايىرىمدى ءارى وتە اقكوڭىل ادام رەتىندە تانىعان.
"بۇل قايعىلى وقيعانىڭ اۋىرلىعى - ولارعا قامقور، قولداۋشى ءارى ۇلگى بولۋعا ءتيىس جاقىن ادامنىڭ جاساعانىندا. ال ونىڭ ورنىنا - ۇرەيلى، ۇيات جانە وتە اۋىر. بالالارىمنىڭ باسىنا تۇسكەن قيىندىقتارعا قاراماستان، ولار ارقاشان قايىرىمدى ءارى مەيىربان بولىپ وسەتىنىنە سەنەمىن", - دەپ جازدى ول.
